Digital Photo Professional Express
Апликацијата Digital Photo Professional Express (DPP Express)* од Canon е наменета за преносливи и безжични работни процеси за дигитално фотографирање и нуди повеќе моќни функции од компјутерскиот софтвер DPP на Canon за вашиот компатибилен iPad. Во комбинација со апликацијата Camera Connect од Canon, Digital Photo Professional Express од Canon овозможува увезување, пребарување и уредување слики од форматите JPEG или .CR3 RAW на Canon во движење.
*Ве молиме имајте предвид дека апликацијата Digital Photo Professional Express, почнувајќи од верзијата 1.2.0 или понова, ќе биде достапна со месечна претплата од октомври 2019 година. Очекувајте повеќе информации наскоро.
Безжично поврзување
Откако ќе ја инсталирате апликацијата* Camera Connect на вашиот компатибилен iPad, ќе можете лесно и безжично да го поврзете со вашиот фотоапарат за да преземате слики. Сликите зачувани во мемориската картичка на фотоапаратот може да се преземат моментално и автоматски за прегледување, споделување или уредување со апликацијата DPP Express.
Обработувајте ги вашите слики во движење
Откако ќе ги увезете сликите ќе можете да ги прегледувате, обработувате и уредувате во форматите JPEG и .CR3 RAW од Canon со целосна резолуција со помош на оригиналниот конвертор за RAW-датотеки на Canon и може да бидете сигурни дека вашите датотеки ќе се обработат со најдобар можен квалитет и бои.
Создавајте и применувајте истории на уредување
За да создадете и споредите различни верзии на истата слика, DPP Express овозможува повеќе истории на уредување. Оваа функција е практична за разликување и споредување ефекти или промени на подесувањата за една иста слика и ви овозможува да создадете најмногу четири истории на уредување што ќе можете да ги прегледувате и зачувате. За да примените иста група на корекции за различни фотографии, историите на уредување може да се копираат и применат врз слика со помош на функциите за копирање и залепување на DPP Express.
Преземете веднаш
Апликацијата Digital Photo Professional Express може да се преземе од Apple App Store за компатибилни уреди со iOS.
Компатибилност
Верзија на оперативен систем: iOS 11.4
Уреди: сите модели на iPad Pro/iPad(6-та генерација) /mini4/Air2 (iPad со капацитет на RAM од 2 GB или повеќе)
Може да се инсталира на првата генерација на iPad mini2/mini3/Air, но не е поддржана. Апликацијата не може да се инсталира на постара верзија на
горенаведените модели на iPad и iPhone / iPod touch
Јазици
Јапонски, англиски, француски, германски, италијански, шпански, кинески (едноставен), руски, корејски, турски, бразилски португалски