НАПИС
Од моментот кога ќе го земете во рака ќе знаете дека EOS-1D X Mark III од Canon е навистина специјален. Неговиот дизајн е резултат на долгогодишно подобрување и еволуирање, а сепак користи нови технологии што ќе го подобрат начинот на кој работите.
Вградивме два паметни контролори во EOS-1D X Mark III од Canon - еден за хоризонтално фотографирање, а другиот за вертикално. Овие револуционерни уреди што се вградени во копчињата AF-ON на фотоапаратот имаат форма на стандардна палка, но функционираат како минијатурни подлоги на допир што можат да се користат за менување AF-точки на екранот.
Секој контролер е приспособен да биде чувствителен и брз и да реагира интуитивно дури и кога носите ракавици. Фотоапаратот автоматски го оневозможува вертикалниот контролор ако фотографирате хоризонтално за да спречи ненамерни движења.
Користењето на оптичкиот визир (OVF) на EOS-1D X Mark III од Canon претставува задоволство. Голем, осветлен и јасен - ви овозможува да го обликувате кадарот и да фотографирате инстинктивно и интуитивно. Поудобен е за користење при долги периоди на работа за разлика од EVF и нуди приказ од случувањата во реално време, без електронско „доцнење“.
Интелигентната функција за додавање информации врз приказот на визирот на EOS-1D X Mark III од Canon ги распоредува информациите таму каде што ви се потребни за да бидете информирани без одвлекување на вниманието. Се разбира, функцијата е приспособлива за да можете да ги прикажете само информациите што сакате да ги гледате. Применувајќи ги мислењата на професионалните фотографи за спорт, вградивме и часовник што ќе ви помогне да стигнете на вистинското место во вистинско време.
Фокусните точки се прикажуваат во матрица со црвени точки која е понапредна и подетална во споредба со еквивалентни прикази кај другите фотоапарати од серијата EOS-1D и полесно се гледа во темнина.
EOS-1D X Mark III од Canon е создаден да го издржи товарот од напорното професионално фотографирање, почнувајќи од удари и гребнатини па сè до ладни температури и дожд. Блендата на фотоапаратот е дизајнирана за 500.000 циклуси, а неговото куќиште од магнезиумска легура има водоотпорна заштита што го штити од прав и влага за да можете да фотографирате во лоши временски услови. Неколку копчиња на EOS-1D X Mark III од Canon се осветлени за да можете да ги видите во темнина.
Новиот процесор DIGIC X што е вграден во EOS-1D X Mark III од Canon е моќен, а воедно и ефикасен. Всушност, со испорачаната батерија LP-E19, фотоапаратот може да ви понуди двојно подолго време за фотографирање во споредба со претходниот модел EOS-1D X Mark II, при што ќе добиете приближно 2850 слики со едно полнење на батеријата.
EOS-1D X Mark III е компатибилен и со постарите батерии LP-E4N, но со нив највисоката стапка на слики ќе биде ограничена на 14 fps.
< Назад кон прегледот на EOS-1D X Mark III од Canon
Некои моменти се неповторливи. Минуваат за дел од секундата и никогаш не се повторуваат. Доловете ги со EOS-1D X Mark III од Canon - гледајте ги случувањата во реално време преку неговиот осветлен оптички визир без доцнење и снимајте ги движењата со неверојатна брзина од 16 fps*
*Максимална брзина на фотографирање од 20 fps во режим за прегледување во живо.
Вградивме сензор со 20,1 мегапиксели во EOS-1D X Mark III од Canon што нуди поголема чувствителност во услови со слаба светлина (до ISO 102.400) и поголем динамички опсег. Заедно со процесорот DIGIC X создаваат квалитет на слика што е исклучителен - дури и кога условите се лоши.
Кога крајниот рокот наближува и треба да ги предадете вашите слики на клиентот колку што е можно побрзо, земете го EOS-1D X Mark III од Canon. Неговите напредни опции за поврзување ви овозможуваат да се поврзете преку етернет каблите покрај теренот, Wi-Fi-мрежите на стадионот, паметните уреди и лаптопи, за да можете брзо да уредувате, пребарувате и праќате содржини или, пак, да им ги испраќате сликите на клиентите додека фотографирате.
EOS-1D X Mark III од Canon е бескомпромисна машина за снимање видео што ја користи технологијата од нашата палета Cinema EOS за да создаде извонредни резултати. Тој е идеална алатка за новинарите, снимателите на документарни емисии и сите кои сериозно се занимаваат со снимање.
Независно дали сте покрај патеката, теренот или на сафари, EOS-1D X Mark III од Canon ги доловува краткотрајните моменти со неверојатна острина. Алгоритмите за AF со длабоко учење интелигентно ги препознаваат сите видови ситуации, а потоа фотоапаратот може да ги следи лицата на спортистите дури и кога носат очила или кацига.