НАПИС
Креативните режисери и раскажувачи на визуелни приказни може да го користат EOS-1D X Mark III од Canon за да снимаат 4k-видео со целосна слика и брзина до 60 слики во секунда, да снимаат видео во кодекот HEVC/H.265 со 10 бита и Canon Log или 12-битен Raw-формат, за да добијат поголем динамички опсег и лесна градација на боите при уредувањето.
Независно од вашиот процес на уредување, EOS-1D X Mark III од Canon може да снима видеозаписи што ќе ви одговараат и ќе ви понудат нови нивоа на квалитет на слика и креативност.
Снимајте видеозаписи DCI 4K/60p со прекумерно семплирање користејќи ја целосната ширина на сензорот* за приказот од објективите да биде ист како и кога снимате фотографии. EOS-1D X Mark III од Canon може да фотографира со сооднос на слика од 17:9 DCI или 16:9 UHD и да ги сними резултатите во кодекот H.264 или кодекот H.265 со 10 бита доколку користите Canon Log. Видеозаписите снимени на ваков начин намерно имаат мал контраст за полесна градација на боите при обработката по снимањето.
EOS-1D X Mark III од Canon може да снима и 5,5K-видео во Raw-формат на CFexpress-картички, што на режисерите им овозможува ненадминат квалитет на слика. Очекувајте поприродни градации на боите и поголем динамички опсег што ќе ви овозможат да гледате детали во светлите површини и во сенките што се разликуваат за 12 чекори.
Овие CRM-датотеки со 5472x2886 пиксели и 12 бита може да се снимаат во стандардни или компресирани формати и може да се обработуваат со испорачаниот софтвер Digital Photo Pro или со многу други водечки софтвери за нелинеарно уредување. Исто така, EOS-1D X Mark III од Canon може да снима прокси 4K-датотека во исто време што може да се искористи за забрзување на работните процеси за уредување.
Достапно е и снимање во Full HD со Dual Pixel AF и стапки на слики до 120 fps. Идеално за ефекти со забавени движења со четирипати помала брзина од нормалната.
* UHD 4K не ја користи целосната ширина на сензорот на фотоапаратот
При снимање видео, Dual Pixel AF нуди рамномерно фокусирање на предмети што ќе ги допрете на екранот на фотоапаратот (или на екранот на паметен уред што ја користи апликацијата Canon Camera Connect).* Лицата и другите предмети можат да се следат низ целиот кадар, а фотоапаратот ќе ги фокусира постојано за да добиете остри резултати. Можете дури и да изберете кое око да го приоритизира системот за фокусирање или, пак, препуштете му на фотоапаратот да го избере тоа што е најблиску до фотоапаратот.
* Dual Pixel AF може да се користи во сите режими, освен во режимот за снимање во 4K без отсекување или во RAW-формат со 60p/50p.
При рачно фокусирање, функцијата за издвојување со фокусот препознава кои површини во сцената се во фокус и ги означува со линија во боја. Се прикажува и длабочината на полето преку означување на површините што ќе изгледаат остри со избраната решетка.
Дигиталната стабилизација на слика за видео нуди многу ефикасна стабилизација на слика по пет оски кога снимате рачно што го коригира тресењето предизвикано од движење на фотоапаратот. Напредниот режим ги открива и ги коригира движењата што се појавуваат кога пешачите со фотоапаратот, на пример, кога следите субјект што се движи.
Резултатите се едноставно неверојатни - стабилни, јасни и професионални видеозаписи што изгледаат одлично во споредба со материјалите снимени со наменски и врвни модели на видеокамери.
Видеозаписите снимени во 4K може да се искористат за генерирање фотографии со 8,8 мегапиксели. Започнете да го репродуцирате саканиот видеозапис на самиот фотоапарат со забавено движење и притиснете го копчето за активирање на блендата за да создадете фотографија. Ова е одличен пристап за субјектите што се движат многу брзо, бидејќи сега може да ги снимате во 4K со 60p, а потоа да генерирате фотографии од снимените видеозаписи.
< Назад кон прегледот на EOS-1D X Mark III од Canon
Некои моменти се неповторливи. Минуваат за дел од секундата и никогаш не се повторуваат. Доловете ги со EOS-1D X Mark III од Canon - гледајте ги случувањата во реално време преку неговиот осветлен оптички визир без доцнење и снимајте ги движењата со неверојатна брзина од 16 fps*
*Максимална брзина на фотографирање од 20 fps во режим за прегледување во живо.
Вградивме сензор со 20,1 мегапиксели во EOS-1D X Mark III од Canon што нуди поголема чувствителност во услови со слаба светлина (до ISO 102.400) и поголем динамички опсег. Заедно со процесорот DIGIC X создаваат квалитет на слика што е исклучителен - дури и кога условите се лоши.
Кога крајниот рокот наближува и треба да ги предадете вашите слики на клиентот колку што е можно побрзо, земете го EOS-1D X Mark III од Canon. Неговите напредни опции за поврзување ви овозможуваат да се поврзете преку етернет каблите покрај теренот, Wi-Fi-мрежите на стадионот, паметните уреди и лаптопи, за да можете брзо да уредувате, пребарувате и праќате содржини или, пак, да им ги испраќате сликите на клиентите додека фотографирате.
EOS-1D X Mark III од Canon е дизајниран да биде продолжена рака на вашата креативна душа - но и да биде колку што е можно понезабележлив. Контролите се поставени инстинктивно под вашите прсти, а новиот паметен контролор ќе ви овозможи да избирате фокусни точки на брз и инстинктивен начин.
Независно дали сте покрај патеката, теренот или на сафари, EOS-1D X Mark III од Canon ги доловува краткотрајните моменти со неверојатна острина. Алгоритмите за AF со длабоко учење интелигентно ги препознаваат сите видови ситуации, а потоа фотоапаратот може да ги следи лицата на спортистите дури и кога носат очила или кацига.