НАПИС
Поврзете се на брз и едноставен начин, без разлика дали ќе ја користите мрежата покрај теренот во некој спортски стадион или ќе ја испратите вашата приказна преку вашиот паметен телефон до другиот крај на светот. EOS-1D X Mark III од Canon го олеснува праќањето слики до клиентот како никогаш досега - побрзо од конкуренцијата.
EOS-1D X Mark III од Canon има вграден Wi-Fi што е идеален за комуникација со паметни уреди и компјутери, како во студиото така и на локацијата каде што работите.
Паметните телефони и таблет-уредите во кои се инсталирани апликациите Camera Connect и Digital Photo Professional Express* може да се користат за пребарување, уредување, дообработка и префрлување на фотографиите кога сте во движење. Тие може да се користат и како модерен далечински управувач за фотоапаратот, овозможувајќи ви да го обликувате кадарот преку екранот на уредот, да ги менувате поставките на фотоапаратот и да снимате фотографии и видеозаписи. Компјутерите и Mac-компјутерите со EOS Utility, исто така, можат да ги извршуваат истите задачи.
А доколку ви треба посилна безжична врска, изборниот безжичен адаптер WFT-E9 ќе ви понуди поголем опсег и поголема сигурност во „дигитално оптоварени“ опкружувања како што се фудбалските стадиони. Тој го поддржува стандардот MIMO 802.11ac што користи фреквентни опсези од 5 GHz и 2,4 GHz за комуникација на оддалеченост до 150 метри, а овозможува и поврзување со безбедни SFTP-сервери.
* Паметниот телефон треба да биде опремен со Bluetooth верзија 4.0 (или понова верзија). Исто така, потребно е паметниот уред да користи оперативен систем iOS 11.4 (или понов) или Android 5.0 (или понов)
Ваквиот приказ, што беше баран од фотографите за спорт и вести кои праќаат слики преку FTP, прикажува колку време ќе биде потребно за да се испратат сликите. Тоа им овозможува на фотографите да донесат информирана одлука за да останат таму каде што се и да го завршат префрлувањето или да побараат побрза врска на друго место.
На поважните спортски настани во светот е достапна етернет врска за фотографите покрај теренот за да можат да ги испраќаат сликите до новинарските агенции додека фотографираат. Затоа го опремивме EOS-1D X Mark III од Canon со неверојатно брз приклучок за гигабитен етернет што нуди двојно побрз пренос на податоци од 1D X mark II.
Поставките за поврзување сега се групирани во сопствена картичка со мени. Сега е можно да зачувате најмногу 20 однапред поставени параметри за поврзување што можете веднаш да ги активирате, при што податоците за ftp-серверот и мрежниот пристап се складираат посебно за да се намали времето потребно за поставување кога сте на нова локација. Агенциите ќе можат електронски да дистрибуираат поставки за поврзување до нивните фотографи што ќе можат да се вчитаат во фотоапаратот преку мемориска картичка.
Етернет врската поддржува безбедносни SFTP-протоколи што спречуваат пресретнување на сликите.
< Назад кон прегледот на EOS-1D X Mark III од Canon
Некои моменти се неповторливи. Минуваат за дел од секундата и никогаш не се повторуваат. Доловете ги со EOS-1D X Mark III од Canon - гледајте ги случувањата во реално време преку неговиот осветлен оптички визир без доцнење и снимајте ги движењата со неверојатна брзина од 16 fps*
*Максимална брзина на фотографирање од 20 fps во режим за прегледување во живо.
Вградивме сензор со 20,1 мегапиксели во EOS-1D X Mark III од Canon што нуди поголема чувствителност во услови со слаба светлина (до ISO 102.400) и поголем динамички опсег. Заедно со процесорот DIGIC X создаваат квалитет на слика што е исклучителен - дури и кога условите се лоши.
EOS-1D X Mark III од Canon е бескомпромисна машина за снимање видео што ја користи технологијата од нашата палета Cinema EOS за да создаде извонредни резултати. Тој е идеална алатка за новинарите, снимателите на документарни емисии и сите кои сериозно се занимаваат со снимање.
EOS-1D X Mark III од Canon е дизајниран да биде продолжена рака на вашата креативна душа - но и да биде колку што е можно понезабележлив. Контролите се поставени инстинктивно под вашите прсти, а новиот паметен контролор ќе ви овозможи да избирате фокусни точки на брз и инстинктивен начин.
Независно дали сте покрај патеката, теренот или на сафари, EOS-1D X Mark III од Canon ги доловува краткотрајните моменти со неверојатна острина. Алгоритмите за AF со длабоко учење интелигентно ги препознаваат сите видови ситуации, а потоа фотоапаратот може да ги следи лицата на спортистите дури и кога носат очила или кацига.