Canon EOS 90D: снимање видео

Избор од повеќе стапки на слики

Кога снимате во режимот Full HD, тогаш се достапни повеќе стапки на слики, почнувајќи од 30 или 25 fps па сè до 50 или 60 fps - идеално за објекти во движење. Достапни се и опции за 100 или 120 fps што се извонредни за ефекти со забавени движења.*

Вградената функција за снимање 4K-видеозаписи со забрзано движење, со 3 различни однапред поставени параметри, ви овозможува да ги прикажете движењата во потполно нова димензија. Функцијата за снимање поединечни слики од 4K-видеозаписи ви овозможува да создавате JPEG-слики со 8 мегапиксели од индивидуални кадри од снимените видеоматеријали.

*Видеозаписите со висока стапка на слики имаат мало отсекување на површината на сликата од 84,1% хоризонтално, 84,2% вертикално

Создаден за снимање

Кога го користите EOS 90D за видеопроекти, ќе забележите функции што се дизајнирани да ви ја олеснат работата за да бидете покреативни. На пример, екранот на допир со променлив агол на фотоапаратот ќе ви помогне да фотографирате од секој агол, а приклучоците за микрофон и слушалки ќе ви овозможат прецизно снимање и следење на звукот.

Нашиот препознатлив AF-систем Movie Servo Dual Pixel CMOS може да ги следи објектите што се движат низ целиот кадар, вклучувајќи и лица благодарение на неговите функции за откривање лица и очи со AF што можат да бидат активни дури и при снимање видео. За поместување на фокусот од еден на друг објект треба само да допрете врз екранот на допир на фотоапаратот - ќе можете и да го прилагодувате фокусот преку екранот на вашиот паметен уред преку апликацијата Canon Camera Connect. Брзината на фокусирање може да се постави во системското мени на фотоапаратот, овозможувајќи ви да создавате ефекти со брзи или бавни промени на фокусот.

И рачното фокусирање е едноставно, со можност за издвојување со фокусот за приказ на острите површини и површините што немаат рабови со изразена боја.

< Назад кон прегледот на EOS 90D