НАПИС

Canon EOS 90D: брзина и автоматски фокус

Од камуфлирана положба до спортски терени

Бидете во тек со случувањата и снимајте прекрасни слики од краткотрајните моменти. Брзото континуирано фотографирање, неверојатно прецизниот фокус со следење и практичното ракување го прават овој фотоапарат идеален за сите кои фотографираат диви животни или спорт и брзи движења.

Доволно брз за да го долови моментот

Одличен избор за фотографите за спорт и диви животни: снимајте неверојатно детални слики со 32,5 мегапиксели и со брзина до 10 fps со континуирано фокусирање преку визирот на фотоапаратот или со 11 fps во режимот за прегледување во живо. Форматот APS-C нуди дополнителен „дострел“ со вашите телефото објективи за да можете лесно да се доближите до далечните случувања во кадарот и да можете да отпечатите големи и прекрасни слики.

Поддршката за UHS-II Sd-мемориски картички му овозможува на фотоапаратот брзо запишување на сликите и овозможува снимање на максимум 58 JPEG-датотеки со целосна големина, 25 RAW-датотеки или 39 CRAW-датотеки во една серија.

Технологијата за откривање на треперење на EOS 90D ја контролира континуираната стапка на слики на EOS 90D за да може да изврши компензација на треперечката светлина што често е присутна во затворени простории за спорт.

Голема брзина и остар фокус

Дури и објектите што се движат може да се следат и остро да се фокусираат, благодарение на напредните систем за AF на EOS 90D. Независно дали фотографирате преку одличниот оптички визир на фотоапаратот или преку неговиот екран на допир со променлив агол, фокусирањето е брзо и прецизно.

Брзо и прецизно фокусирање

Низ оптичкиот визир на EOS 90D се распределени 45 точки за автоматско фокусирање и сите тие се од вкрстен тип за поголема чувствителност и прецизност независно дали фотографирате хоризонтално или вертикално. Фотографирајте при слаба осветленост до -3 EV и во комбинации со конвертори за објективи со максимална решетка од f/8.

Користете ги AF-точките поединечно, во групи или на одредени површини - можете брзо и лесно да ги поместувате низ кадарот со помош на интуитивниот контролор за AF. Системот за фокусирање iTR AF користи информации за бои и лица за да ги препознае и следи објектите што се движат. Преземете ја контролата врз чувствителноста на фокусот и следењето со фокусот за да го усогласите функционирањето на AF на фотоапаратот со видот на објектите што ги фотографирате.

Dual Pixel CMOS AF

Кога фотографирате во режимот за прегледување во живо или кога снимате видео, препознатливиот AF-систем Dual Pixel CMOS од Canon нуди извонредна острина и широка покриеност, како и одлични перформанси при слаба осветленост до -5 EV. Со вертикално и хоризонтално покривање на кадарот до 100x88% и избор од 5.481 AF-положби, ќе можете детално да ги прилагодувате вашите композиции на едноставен начин. Вградената функција за откривање лица и очи овозможува следење и остро фокусирање на луѓето кои се движат.

Фокусирање со групирање

Кога е важно да имате максимална длабочина на поле низ целата површина на сликата, како на пример, кога снимате макро фотографии, фокусирањето со групирање ќе ви обезбеди максимална острина. Со едно притиснување на копчето за активирање на блендата, EOS 90D почнува да фотографира континуирано и да го прилагодува фокусното растојание од почетната положба па сè до заднината. Потоа сликите се спојуваат со помош на софтверот Digital Photo Professional од Canon за да добиете слика што целосно ќе биде во фокус.

< Назад кон прегледот на EOS 90D