Ова е ваша приказна, раскажете ја на ваш начин

Документирајте ги вашите интересни авантури додека патувате со извонредни видеоснимки со 4K/30p, добиени со прекумерно семплирање на излезниот сигнал со 6K-резолуција од сензорот со 24,2 мегапиксели на EOS R10. Резултатите се навистина извонредни: спој од острина и нагласени природни бои. Снимените материјали изгледаат неверојатно кога се прикажуваат на 4K-телевизор, а може и да се отсечат при уредувањето без загуби во квалитетот, доколку планирате да ги прикажувате во Full HD-резолуција.

Може да снимате и во форматот 4K/60p¹ за да добиете јасна репродукција на субјектите што се во движење, а може и да ја забавите репродукцијата на овие снимени материјали во фазата на уредување за да добиете прекрасни ефекти на забавени движења што сигурно ќе ја импресионираат вашата публика. Исто така, ако снимате во Full HD-резолуција ќе можете да користите стапки на слика до 120p, за да добиете уште подетални движења. Ова е одлична опција за динамички движења, почнувајќи од училишни спортови па сè до фудбалски натпревари на вашиот омилен тим.

За субјектите со забавени движења и сцените што се менуваат постепено, EOS R10 нуди режими за 4K-видеоснимки и Full HD-видеоснимки со забрзани движења што создаваат врвни резултати. Достапна е и компатибилност со HDR PQ заради поголема флексибилност во обработката по снимањето.

Кога ги снимате авантурите во вашиот живот, EOS R10 може да функционира автоматски или рачно, по ваша желба. Оние кои сакаат да ја преземат контролата ќе се изненадат од функциите како што е издвојувањето со фокусот, кое препознава критична острина и таканаречени „црно-бели ленти“ - површини од сцената со прекумерна експозиција што се означуваат со карактеристичен приказ на црно-бели ленти.

Со EOS R10 може да снимате подолго отколку со другите хибридни фотоапарати - максимум два часа². Тоа е одлично за снимање настани во живо како музички настапи или театарски претстави или, пак, за снимање интервјуа кога фотоапаратот мора да снима додека ги поставувате прашањата.

Една од работите што го прави EOS R10 толку добар уред за секаква намена е неговата идеална рамнотежа помеѓу брзина, резолуција и перформанси при слаба осветленост. Од пространи пејзажи исполнети со златна светлина до спонтани улични портрети снимени во самрак, овој фотоапарат може да се користи за сè.

Сензорот од 24,2 мегапиксели и процесорот DIGIC X придонесуваат за врвни перформанси на фотоапаратот во секакви услови на осветлување, благодарение на стандардниот опсег на чувствителност ISO од ISO 100 до ISO 32.000 (може да се прошири до ISO 52.100). Опремен е и со вграден блиц доколку ви треба дополнителна светлина.

При фотографирање, корисниците можат да ги зачуваат своите слики како JPEG-датотеки или HEIF-датотеки. А ако сакате најдобар квалитет, тогаш може да снимате и RAW-датотеки што ќе ви понудат голем потенцијал за повеќе креативност во обработката по снимањето.

• Стандардниот RAW-формат е 14-битна датотека која ги содржи сите информации што ги снимил сензорот - сè што ви е потребно за да создадете неверојатни уметнички дела во фазата на уредување.
• Форматот CRAW (или Compact RAW) зафаќа помалку простор во мемориската картичка на фотоапаратот, со незначително намалување на квалитетот на сликата.
• Секвенцијалниот режим во RAW-формат овозможува континуирано фотографирање со брзина до 30 fps и отсекување од 75 проценти, а резултатите се зачувуваат во една датотека. Подоцна, со помош на нашиот софтвер Digital Photo Professional (DPP) ќе можете да извлечете поединечни слики од датотеката.
• Dual Pixel RAW овозможува приспособување на одредени карактеристики на сликите по фотографирањето, како ефект на дефокусирање, отсјај и точка на острина.