Фотоапарат со одлични опции за поврзување

Нашата апликација Canon Camera Connect е брза и лесна за користење, овозможувајќи ви повеќе време за да бидете креативни. Откако ќе ги поврзете вашиот паметен уред и EOS R10, тие ќе воспостават „постојано активна“ Bluetooth^®-врска со мала потрошувачка на енергија, а на тој начин може брзо и непречено да се активира функцијата за Wi-Fi^® од 2,4 GHz кога треба да префрлите слики. Тоа може да се случи автоматски додека фотографирате¹ или по фотографирањето кога ќе ги прегледувате содржините во мемориската картичка на фотоапаратот преку вашиот телефон, со кој може да избирате слики додека патувате.

Откако ќе ги префрлите сликите во вашиот телефон, ќе можете да ги уредувате со вашите омилени апликации (како Canon DPP Express за iOS²), да ги вчитувате на социјалните медиуми или да им ги испратите на пријателите и семејството преку некоја апликација за праќање пораки. Ова е одлична опција кога патувате и сакате да ги споделувате вашите авантури со пријателите и семејството или, пак, со вашите следбеници на интернет.

Ако фотографирате за социјалните медиуми, пробајте ја функцијата за вертикална поддршка за снимање видео на EOS R10, со која може да снимате вертикални видеоматеријали наменети за приказни, кратки видеозаписи и екрани на паметни телефони.

Нашата услуга image.canon ви овозможува да вчитувате фотографии и видеоснимки во онлајн мемориски простор на Cloud - директно од фотоапаратот преку вградениот Wi-Fi^®-модул или преку вашиот паметен телефон што веќе е поврзан со фотоапаратот - не ви треба компјутер. Оттаму може да ги преместите вашите содржини во мемориски простор за долготрајно складирање (добивате 10 GB како стандардна опција) или друга платформа за складирање на Cloud, како што е Adobe Creative Cloud или Google Drive³. Исто така, датотеките може автоматски да се преземаат во вашиот компјутер или Mac, за да бидат подготвени за уредување кога ќе седнете на работната маса.

Видеоблогерите и креаторите на содржини можат да го користат EOS R10 за проследување видео во живо со професионален изглед, директно до своите следбеници на YouTube⁴. Квалитетот на сликата и звукот се одлични - токму тоа што ви треба за да го подобрите својот канал и да ја зголемите вашата публика.

Сè што треба да направите е да го поврзете фотоапаратот на Wi-Fi^®-мрежа⁵ и ќе можете да проследувате директно на вашиот канал на YouTube - не ви треба компјутер. Екранот со променлив агол се отвора од куќиштето на фотоапаратот и може да се ротира за да го насочите кон вас - идеално за автопортрети.