Молскавично поврзување што ве става на прво место

Користете Wi-Fi или етернет за пренос на слики до вашата агенција или клиент во реално време, благодарение на поддршката FTP. Поддржани се безбедните протоколи SFTP¹ и FTPS, така што вашите слики се безбедни во секое време. EOS R3 поддржува 802.11ac Wi-Fi стандард, користејќи ги опсезите од 2.4GHz и 5GHz² за продолжен опсег и намалени пречки. Вклучен е и безбедносниот стандард WPA3 за Wi-Fi.

Кога фотографирате/снимате од места опремени со етернет, терминалот RJ-45 на фотоапаратот обезбедува најбрза, најстабилна можна врска (до 1000BASE-T), што ви помага да пренесувате слики и видео онаму каде што треба што е можно побрзо.

EOS R3 презема многу од мрежните способности од нашиот наградуван EOS-1D X Mark III. Всушност, двата фотоапарати може да ги разменуваат мрежните поставки меѓусебно преку мемориска картичка, па така агенциите може да обезбедат конфигурација за поставување пред настанот.

За да го направите поставувањето уште побрзо, особено во местата каде што веќе сте работеле, во фотоапаратот може да се складираат до 20 групи на мрежни поставки за инстантно повлекување, што може да биде за ftp сервери, локални компјутери на паметни телефони.

Кога EOS R3 пренесува датотеки со слики или видео, се пренесуваат и гласовни ознаки, оценки со ѕвезди и прилагодувања на сечењето направено во фотоапаратот, заштедувајќи време на уредниците на слики кои брзаат преку интернет да го добијат она што сте го сработиле.

Вградениот GPS на EOS R3 географски ја означува секоја слика со вашата локација и го одржува внатрешниот часовник. Поддржува голем број сателитски системи, вклучувајќи GPS, GLONASS, како и сателитите MICHIBIKI Quasi-Zenith за повеќе разноврсни податоци за позиционирање.

Вашиот паметен уред може да се користи и за далечинско управување со EOS R3, помагајќи ви да фотографирате од возбудливи, тешко достапни места. Ќе може да ги прилагодувате поставките, да гледате што гледа фотоапаратот и да снимате слики и видеа, сето тоа од екранот на телефонот или таблетот. EOS R3 е сертифициран и за MFI на Apple, така што може директно да се поврзе со вашиот iPhone преку УСБ-Lightning кабел. Уредите со Android може да се поврзат преку USB 3.

Нашиот бесплатен софтвер EOS Utility, исто така, овозможува далечинска контрола на фотоапаратот и од Mac или од компјутер – само поврзете ги со помош на USB 3.2, Wi-Fi или Ethernet. Сликите може да се зачуваат на мемориска картичка, компјутер или и двете што е идеално за работа во контролирани услови.

Ви треба малку повеќе опсег? Функцијата Далечински прелистувач на EOS R3 (достапна кога е поврзана со етернет) овозможува да се контролира преку мрежи. Сликите може да се прават од далечина и да се преземаат датотеки. Поставките (вклучувајќи детали за FTP) може да се прилагодат дури и кога фотоапаратот се користи.

Опцијата за автоматска „заштита“ на сликите што се праќаат на FTP-сервер е корисна за многу фотографи за вести и спорт. Заштитените слики ќе бидат заклучени и нема да можете да ги избришете случајно, а ќе можете лесно да препознаете кои слики му биле испратени на клиентот откако ќе ги префрлите во вашиот компјутер по снимањето.

EOS R3, поддржува и платформи за складирање на облак, благодарение на нашата иновативна порта image.canon. Фотоапаратот дури и автоматски прикачува датотеки со слики и видео, така што тие се подготвени за обработка кога ќе се вратите од фотографирање.

Чувајте неограничен број фотографии (вклучително и RAW датотеки) на интернет на image.canon до 30 дена пред да одлучите која да се пресели на друга услуга за облак, како што е Google Drive или Adobe Cloud.