Моќни професионални перформанси

EOS R5 ви овозможува да фотографирате краткотрајни моменти како никогаш досега, во формат за целосна слика со 45 мегапиксели и брзина од неверојатни 20¹ слики во секунда, во потполна тишина и со континуирани AE и AF со следење.

Без разлика дали фотографирате спорт, репортажи, диви животни или портрети, EOS R5 ќе ви понуди многу повеќе можности за доловување на совршениот момент. А ако треба да користите механичка бленда, тогаш ќе можете да фотографирате континуирано со одлична брзина од 12 fps¹: перформанси што се водечки во класата на фотоапаратите за целосна слика без огледало.

EOS R5 е опремен со електронски визир што е толку напреден, што ќе гледате низ него како да нема ништо помеѓу вас и субјектот што го фотографирате. Со резолуцијата од 5,76 милиони точки, покриеноста од 100 проценти и стапката на освежување од 120 fps потполно ќе се задлабочите во сцената, а воедно ќе можете и да погледнете како точно ќе изгледаат сликите пред да ги снимите.

EVF е надополнет со 3,15-инчен екран на допир со 2,1 милиони точки и променлив агол што може да се оддалечи од фотоапаратот и да ротира за 270˚, овозможувајќи удобно фотографирање од тешки агли. Екранот може да се ротира и затвори кон куќиштето на фотоапаратот заради поголема заштита.

На задната страна на EOS R5 има сензор што овозможува автоматски избор помеѓу EVF и екранот при доближување и оддалечување на фотоапаратот од вашето лице и може да се конфигурира различно во зависност од тоа дали екранот е преклопен.

Исто така, EOS R5 нуди опција за исклучување на задното осветлување на LCD-екранот, за да можат корисниците да го исклучат LCD-екранот и да го користат EVF, а сликите да ги прегледуваат на големиот LCD-екран. Оваа опција им е позната на сите корисници на DSLR.

EOS R5 има два отвори за мемориски картички: еден за универзално компатибилните SD-картички (со поддршка за брзите SD-медиуми од тип UHS-II); а вториот за извонредно брзите картички CFexpress што нудат неверојатно голема брзина каква што е потребна за стабилно секвенцијално фотографирање со 20 fps и максимум 180 RAW-датотеки, како и за некои видеоформати на EOS R5 со повисока резолуција.

EOS R5 се напојува од напредна батерија LP-E6NH која има 20 проценти поголем капацитет од постарите батерии LP-E6N и овозможува снимање на 490 слики со едно полнење во строги услови за тестирање* - и многу повеќе во реални услови за фотографирање.

Батериите LP-E6NH можат да се полнат со испорачаниот полнач за батерии или додека се во фотоапаратот преку USB C 3.1, со струја (PD) од 5 V/1,5 A. Исто така, достапен е држач со батерија BG-R10 во кој може да сместите две батерии истовремено за да фотографирате подолго.

Постарите батерии LP-E6 и LP-E6N се компатибилни со EOS R5, но најголемите стапки на фотографирање и полнењето на батеријата кога е во фотоапаратот не се достапни ако ја користите батеријата LP-E6.

* Согласно стандардите CIPA при 23˚C и користење на LCD-екранот во режим за заштеда на енергија

EOS R5 има куќиште од магнезиумска легура што е дизајнирано да ги издржи тешките услови на професионалната употреба. Заштитните заптивки нудат заштита од прав и влага и ви овозможуваат да фотографирате сигурно независно од временските услови.