Canon EOS 1200D

Детални карактеристики

• Фотографии на кои ќе се гордеете

  Сликајте и снимајте видео снимки со квалитет и сопствен карактер. Сликите со 18 милиони точки од EOS 1200D се полни со детали и се доволно големи за печатење во големини до A2+. Видео снимките ќе изгледаат професионално кога ќе ги репродуцирате на вашиот домашен HD телевизор.

• Доловувајте спомени дури и кога се стемнува

  Кога нивото на светлината ќе се намали, EOS 1200D ја зголемува својата чувствителност на светлина со цел вашите слики да ја задржат острината и да се намали потребата за користење на блиц. Фотографирањето со амбиентална светлина претставува одличен начин за доловување на атмосферата на одредени настани и дискретен начин за доловување на драгоцени спомени и природни изрази на лицата.

• Едноставно користење за сите објекти

  При снимањето фотографии со EOS 1200D, фотоапаратот ја анализира и сцената, пребарувајќи светлина, бои и присуството на движење и лица. Овие податоци се користат за подесување на најсоодветните подесувања на фотоапаратот за сцената, без разлика дали се работи за детален пејзаж или динамично движење. Вградениот водич за функции и апликацијата за поддршка ќе ви помогнат да научите повеќе за вашиот фотоапарат, кога ќе посакате.

• Запознајте се со DSLR фотографирањето со помош на апликацијата EOS Companion

  Користете ја апликацијата EOS Companion за да се запознаете со функциите и контролите на вашиот EOS 1200D и дознајте како различните објективи можат да ви понудат нови креативни опции и како да снимате различни објекти. Интерактивните упатства и задачи ќе ве инспирираат и ќе ви помогнат да ги развиете вашите вештини.

• Ергономски дизајн што ќе сакате да го користите

  Оптичкиот визир ви овозможува да ја обликувате и предвидите вашата снимка, така што секогаш ќе бидете подготвени да ги доловите чувствата на моментот. Благодарение на практичните контроли кои се инстинктивни за користење, како и големиот LCD екран од 7,5 см (3”) за прегледување на слики, ќе ви претставува задоволство да го користите EOS 1200D.

• Изразете ја вашата креативна страна

  Нагласете го главниот објект во фотографијата така што ќе го изолирате наспроти мека и заматена заднина - изглед кој е карактеристичен за DSLR фотографирањето. Користете некој од петте креативни филтри за да извршите лично прилагодување на вашите фотографии, меѓу кои и црно-бела зрнеста текстура, фотоапарат-играчка и ефект на рибино око.

• Бидете во фокус

  Задржете ја острината на објектите така што ќе ги поставите под некоја од деветте точки за фокусирање на EOS 1200D. Тие се распределени на визирот, а ви овозможуваат да го поставите објектот во средина на сликата или во некој агол, за да добиете поинтересна композиција.

• Погледнете го светот преку други очи

  Променете ја вашата гледна точка и снимајте различни објекти додека напредувате во фотографирањето, со обемната палета на EF и EF-S објективи од Canon. Доближете се со телефото објектив или опфатете уште повеќе од сцената со објектив за зумирање со извонредно широк агол.