Најдобри објективи од основна класа за фотографирање диви животни

За снимање интимни слики од диви животни и птици во нивното природно живеалиште е потребно познавање на однесувањето на животните, теренски вештини, трпение и упорност. Но и да ги исполнувате сите овие услови, сепак нема да успеете без телефото објектив.

Добрата вест е тоа што не е потребно да платите многу пари за скап професионален објектив за да започнете да фотографирате диви животни. Достапен е голем избор на лесни објективи со врвни перформанси соодветни за фотографирање диви животни, со примарни модели и модели со зум што одговараат на фотоапаратите без огледало EOS R, вклучувајќи ги и EOS R7 и EOS R10 од Canon.

Дали ми треба телефото објектив за фотографирање диви животни?

Дали треба да користам објектив со зум или примарен објектив за фотографирање диви животни?

Птиците се помали и потешко може да се доближите до нив отколку до другите диви животни, па затоа ќе ви треба поголема фокусна должина за да ги фотографирате. Иако може да снимате слики од големи цицачи што го исполнуваат кадарот користејќи објектив со зум од 300 mm или 400 mm, за фотографирање одредени птици ќе ви треба објектив со зум од 500 mm, 600 mm, па дури и 800 mm.

Во тоа може да ви помогне и големината на сензорот на вашиот фотоапарат. Сензорите вградени во фотоапаратите без огледало од тип APS-C, како EOS R7 и EOS R10, се помали од сензорите за целосна слика вградени во други фотоапарати од палетата EOS R, како што е EOS R6. Тие всушност ја отсекуваат сликата од објективот, поради што субјектот исполнува поголема површина од вашиот кадар. Овој фактор на отсекување од 1,6x го зголемува опсегот на објективот, така што, на пример, ако го користите објективот RF 50mm F1.8 STM со фотоапарат од типот APS-C ќе го добиете истото видно поле како да користите објектив од 80 mm со фотоапарат за целосна слика, а ако користите стандарден објектив од 100 mm ќе добиете исто видно поле како да користите објектив од 160 mm со фотоапарат за целосна слика. Истите придобивки ги добивате и ако користите EF-објектив со EOS R7 или EOS R10 со помош на адаптерите за монтирање објективи EF-EOS R.

Објективите со поголеми фокусни должини може да бидат потешки за стабилно држење, но вградената оптичка стабилизација на слика (IS) може да помогне во корекцијата на заматувањето предизвикано од тресење на фотоапаратот. EOS R7 и EOS R6 од Canon имаат вградена стабилизација на слика што нуди максимум 7 чекори доколку се користи со компатибилен објектив.

Заматувањето не секогаш е лоша појава, како што објаснува фотографот за диви животни Ben Hall во своето видео за креативно и апстрактно фотографирање диви животни (подолу)².

Моќниот мотор за фокусирање ќе ви помогне да ги следите животните што се движат брзо, а колку потивко функционира, толку е помала веројатноста да ги исплашите животните. RF-приклучокот за објективи кај фотоапаратите EOS R овозможува неверојатно брза врска помеѓу фотоапаратот и објективот и нуди извонредно големи брзини на фокусирање со голема сигурност. Исто така, EOS R7, EOS R10 и EOS R6 од Canon максимално ја искористуваат брзината за автоматско фокусирање на објективот и имаат процесор што користи вештачка интелигенција со длабоко учење за да препознава и следи животни и птици со неверојатна брзина и ефикасност. За да бидете сигурни дека ќе ја снимите вашата слика од дивите животни што се движат брзо, најдобро е да снимите серија слики, а EOS R7 и EOS R10 нудат неверојатни брзини до 30 fps и 23 fps соодветно³, со можност за AF со следење.

Поголемите максимални решетки (помали вредности на f) му овозможуваат на објективот да пропушти повеќе светлина во фотоапаратот, а тоа може да ви помогне кога фотографирате животни што се движат брзо при слаба осветленост. Фотоапаратите за целосна слика без огледало, како што е EOS R6, се одлични за вакви прилики.

И на крај, земете ги предвид големината и тежината на вашиот објектив, бидејќи е подобро да носите компактен и лесен објектив. Одликувајќи се со тежина од 300 g, но со моќен и ефикасен зум со опсег од 28,8-240 mm, објективот RF-S 18-150mm F3.5-6.3 IS STM, на пример, ќе ви овозможи максимално искористување на сите прилики за фотографирање диви животни.

Ќе ви понудиме избор на примарни објективи и објективи со зум што се едноставни за користење и создаваат висококвалитетни фотографии од диви животни и птици.

• RF-S 18-150mm F3.5-6.3 IS STM од Canon
• RF 100mm F2.8L MACRO IS USM од Canon
• RF 100-400mm F5.6-8 IS USM од Canon
• RF 800mm F11 IS STM од Canon
• RF 600mm F11 IS STM од Canon
• EF 70-300mm f/4-5.6 IS II USM од Canon
• EF-S 55-250mm f/4-5.6 IS STM од Canon
• RF 35mm F1.8 MACRO IS STM од Canon

RF-S 18-150mm F3.5-6.3 IS STM од Canon е еден од првите објективи што е специјално дизајниран за фотоапарати EOS R со APS-C-сензор како што се EOS R7 и EOS R10. Тој нуди моќен опсег на зумирање до 8,33x што се протега од широк агол на гледање до телефото. Тоа може да ви понуди уникатна предност доколку фотографирате во опкружувања со прашина или треба да реагирате брзо за различни прилики за фотографирање диви животни, кога е можно да ја пропуштите сликата поради менување на објективот.

Благодарение на факторот на отсекување од 1,6x кај овие фотоапарати, објективот добива ефикасен опсег на зумирање каков што би имал објектив од 28,8-240 mm со фотоапарат за целосна слика, а сепак е значително компактен и лесен, со тежина од само 300 g.

RF-објективите од Canon наменети за фотоапаратите EOS R имаат многубројни иновации во дизајнот, а во таа група спаѓа и објективот RF 100-400mm F5.6-8 IS USM од Canon. Тој е полесен од EF 70-300mm f/4-5.6 IS II USM од Canon, но има поголем дострел што може да се зголеми уште повеќе со додатоците за продолжување RF. Се одликува со стабилизација на слика со 5,5 чекори за рачно снимање на поостри фотографии, која се зголемува до 6 чекори ако се користи со фотоапарати со вградена стабилизација на слика како што се EOS R6 и EOS R7. Исто така, тој користи технологија за неверојатно брз и речиси нечуен автоматски фокус Nano USM што нема да ги исплаши субјектите на кои се обидувате да им се приближите. Овој објектив добива зголемен ефикасен опсег на зумирање од 160-640 mm кога се користи со EOS R7 и EOS R10.

RF 800mm F11 IS STM ви овозможува да снимате слики од диви животни што го исполнуваат кадарот, независно дали фотографирате големи животни или птици во вашата градина. Додајте го додатокот за продолжување RF 1,4x од Canon или додатокот за продолжување RF 2x од Canon на објективот и добијте поголем дострел - до 1600 mm со вториот производ. Фотоапаратите EOS R можат да фокусираат автоматски дури и со оваа импресивна фокусна должина. Прикачете го објективот на EOS R7 или EOS R10 од Canon и факторот на отсекување ќе ви понуди голема фокусна должина од 1280 mm, без намалување на решетката какво што предизвикуваат додатоците за продолжување од 1,4x или 2x.

Објективот RF 800mm F11 IS STM има многу голем дострел, а сепак е изненадувачки компактен и лесен и има оптичка стабилизација на слика со 4 чекори за поостри фотографии и видеозаписи при рачно снимање.

RF 800mm F11 IS STM од Canon е особено погоден за фотографирање птици, а RF 600mm F11 IS STM е супер телефото објектив за поопшта намена што може да се користи и за птици и за животни. Има слични карактеристики како RF 800mm, како решетка f/11 без сечила за прекрасно заматување на заднината и STM-мотор за речиси бесшумен автоматски фокус, а може да се користи и во комбинација со додатокот за продолжување RF 1,4x од Canon (за да добиете фокусна должина од 840 mm) и додатокот за продолжување RF 2x од Canon (за да добиете фокусна должина од 1200 mm). Кога се користи со EOS R7 и EOS R10, тој добива ефикасна фокусна должина од 960 mm без додаток за продолжување. Објективот се вовлекува за да ја намали својата должина под 20 cm, па затоа е повеќенаменски супер телефото објектив што може да го носите насекаде.

Овој објектив со зум нуди огромен опсег на фокусни должини од 70-300 mm и е класичен почетнички објектив за фотографирање диви животни што нуди опции за флексибилно обликување на кадарот при фотографирање големи животни. Ако сакате да се доближите уште повеќе, тогаш прикачете го објективот EF 70-300mm f/4-5.6 IS II USM од Canon на EOS R10 или EOS R7 од Canon со помош на адаптерот за монтирање објективи EF-EOS R од Canon и ќе добиете ефикасен опсег на зумирање од 112-480 mm.

Одликувајќи се со тежина од само 710 g и должина од 14,55 cm, овој објектив е лесен за носење кога патувате, а неговата стабилизација на слика со 4 чекори ќе ви помогне да го намалите заматувањето предизвикано од тресење на фотоапаратот за да добиете поостри слики.

Ако ви треба објектив со телефото зум за да ја дополните опремата што веќе содржи објектив со зум од 18-55 mm, тогаш ова е одлична опција. Дизајниран за EOS DSLR-фотоапарати со APS-C-сензори, како што се EOS 90D и EOS 850D од Canon, објективот EF-S 55-250mm f/4-5.6 IS STM создава слика со еквивалентно видно поле како објектив со зум од 88-400 mm прикачен на фотоапарат за целосна слика. Тој е мал, лесен и практичен за носење во зоолошка или парк со диви животни, но и на подалечни патувања.

И покрај тоа што телефото објективите се најсоодветни за фотографирање диви животни, има и многу други објективи што можат да се користат креативно за фотографирање животни или птици.

Макро објективите, како што се RF 100mm F2.8L MACRO IS USM од Canon и RF 35mm F1.8 MACRO IS STM од Canon, се совршени за фотографирање инсекти и други мали суштества. Иако RF 100-400mm F5.6-8 IS USM од Canon не е наменски макро објектив, тој нуди импресивно зголемување. Објективите EF и EF-S се потполно компатибилни со EOS R7 и EOS R10, ако го користите адаптерот за монтирање објективи EF-EOS R од Canon. Исто така, со помош на адаптерот може да користите EF-S-објективи со фотоапарати за целосна слика EOS R како што се EOS RP и EOS R6, доколку сакате да го користите режимот на отсекување од 1,6x.

Широкоаголните објективи како RF 14-35mm F4L IS USM од Canon и извонредно широкиот RF 16mm F2.8 STM од Canon може да бидат одлични за доловување поголем дел од живеалиштето на животните или за цело јато птици, па дури и за снимање видеоблогови во чиј кадар ќе бидете опфатени и вие и ќе говорите за дивите животни зад вас.

Напишано од Marcus Hawkins и Matthew Richards

¹При фотографирање, со објектив со f/1,2, централна AF-точка, AF со една снимка, при 23°C/73°F, ISO100. Освен RF-објективи со слој за рамномерно дефокусирање.

²Видеозаписот е достапен само на англиски јазик.

³Брзината на континуираното фотографирање може да се разликува во зависност од различни услови, погледнете ги спецификациите за да дознаете повеќе информации.