Фотографирајте, обликувајте, отпечатете - бидете креативни со палетата Zoemini од Canon

Фотографиите што вреди да се споделат не се само за „ми се допаѓа“. Со инстант фотоапаратот и печатачот Zoemini S2 од Canon можете да снимате совршени слики или лесно да снимате автопортрети користејќи го вграденото огледало и прстенестото светло. Стилизирајте и печатете каде и да сте со апликацијата Canon Mini Print¹, а потоа променете, споделете и покажете го вашиот креативен талент.

Мини фотоапаратот со печатач Zoemini 2 од Canon ви овозможува да уредувате фотографии снимени со вашиот паметен телефон преку Bluetooth и апликацијата Canon Mini Print, а потоа да ги оживеете тие спомени така што безжично ќе ги отпечатите и ќе ги споделите со пријателите.

Двата инстант печатачи користат хартија ZINK од Canon за која не е потребно мастило за едноставно, неверојатно издржливо и за печатење без размачкување.

Без разлика кој печатач ќе го изберете, носете го придружникот со џебна големина со вас. Тенкиот стил на двата уреда ви овозможува да ги носите во торбата или џебот за да бидете секогаш подготвени.

Имате избор од три бои за да го усогласите џебниот печатач со вашиот личен стил - останете елегантни со розовo-златна или бисернo бела боја или бидете во тренд со темносина боја.

Откако ќе ја најдете совршената дополнителна опрема, време е да извлечете максимум од вашиот нов Zoemini 2 од Canon или Zoemini S2 од Canon – погледнете ги овие идеи за да добиете инспирација.

Секогаш снимајте совршени фотографии со помош на огледалото за автопортрети на Zoemini S2 од Canon. Заземете поза, направете гримаса или внесете пријател во кадарот за совршено темпирана фотографија што ја доловува спонтаноста на моментот. Треба да го подобрите осветлувањето? Вграденото прстенесто светло на Zoemini S2 од Canon ќе ви овозможи да внесете сјај на влијателна личност во очите за автопортрет што вреди да се сподели.

За групна фотографија од целото друштво, користете ја функцијата за далечинско активирање на блендата и функцијата за тајмер на апликацијата Canon Mini Print со Zoemini S2 од Canon. Заземете позиција користејќи го режимот за прегледување во живо, доловете ја атмосферата и отпечатете ги резултатите за да ги споделите со сите ваши пријатели.

Ви се потроши хартијата? Не грижете се. Можете да ги зачувате сите ваши слики во Micro SD-картичката на Zoemini S2 од Canon за да ги гледате, печатите и споделувате подоцна.

Користете ја апликацијата Canon Mini Print со Zoemini 2 од Canon и Zoemini S2 од Canon за да внесете дополнителен стил во вашите слики. Без разлика дали се работи за фотографии снимени со Zoemini S2 од Canon, автопортрети на вашите социјални медиуми или слики од кучиња на вашиот паметен телефон, внесете сјај во вашите слики со прилагодување на светлината, контрастот и заситувањето во апликацијата.

Можете да примените и различни рамки и филтри за да добиете стилизиран отпечатен материјал или, пак, да додадете забавни AR-содржини, цртежи или чкртки за персонализирани фотографии што ќе измамат насмевка на вашето лице. Како забавен и креативен проект, направете колаж или „табла на расположенија“ за вас и вашите најдобри пријатели, или, пак, додајте ги вашите омилени моменти на лента со трепкачки светилки и создадете блескав приказ.

Живејте ги вашите најдобри моменти, па повторно доживејте ги со инстант печатење на фотографии користејќи кружни хартии за печатење со самолеплива задна страна ZINK од 2x3 инчи. Отпорни на вода, кинење и размачкување, овие висококвалитетни налепници за кои не е потребно мастило се идеални за безжично печатење на вашите омилени слики на паметниот телефон и социјалните медиуми преку апликацијата Canon Mini Print и Zoemini 2 од Canon. Тие се одлични и за инстант печатење на слики со Zoemini S2 од Canon.

Украсете ја футролата за вашиот телефон, канцеларискиот материјал или други предмети додека работите за да ги овековечите вашите спомени. Снимете смешни слики од миленичиња и одлепете ги за да го украсите транспортерот за мачка/куче на вашиот најдобар пријател, печатете автопортрети од паметниот телефон и групни слики за да ги декорирате ѕидовите на вашата спална соба, да му дадете малку гламур на вашето огледало или да ги персонализирате вашите предмети

Инстант печатачот Zoemini 2 од Canon ќе ви стане омилен придружник за патување. Фотографирајте ги омилените места и знаменитости и залепете ги до другите спомени за да направите разнобоен дневник за патувања. Запишете ги и вашите спомени и белешки за да имате мини временска капсула на која ќе може да ѝ се навраќате и да ја споделувате со пријателите.

Организирате роденденска забава? Може да направите „табла на спомените“ за која сите ќе фотографираат и ќе печатат. Поставете кабина за фотографирање и станица за печатење користејќи го вашиот паметен телефон и Zoemini 2 од Canon или сè-во-едно уредот Zoemini S2 од Canon. Секој отпечатен спомен може да се залепи на таблата за да може сите да го видат, а на крајот на денот славеникот или славеничката ќе може да си ја понесе таблата дома.

Имате нешто да кажете? Обидете се да снимите и веднаш да отпечатите убава фотографија како персонализирана порака за благодарност и споделување на љубовта. Снимете портрет со Zoemini S2 од Canon или со телефонот, а потоа отворете ја сликата во апликацијата Canon Mini Print. Напишете ја вашата порака со убаво осмислена белешка, цртеж или чкртка во долниот дел, отпечатете ја вашата слика и споделете ја со лицето на кое сакате да му го разубавите денот.

Може да учествуваат сите. Замолете ги вашите пријатели да ви испратат слики од нивните телефони, а потоа отворете ја апликацијата Canon Mini Print и отпечатете персонализирани налепници со Zoemini 2 од Canon

Хартиите за печатење ZINK што се отпорни на вода и размачкување и што се користат во Zoemini 2 од Canon и Zoemini S2 од Canon се одлични за категоризирање на вашиот дом со користење на етикети. Подредете ги книгите на полиците и грамофонските плочи по азбучен ред или средете ги кујнските плакари така што ќе ставите сè во тегли со етикета. Можете да ги средите и чевлите и да го ставите накитот или облеката што не ја носите во кутии. За полесно да запаметите што има во кутиите, едноставно фотографирајте ја внатрешноста на кутиите и залепете ја фотографијата на надворешноста. Готово.

Трансформирајте ги обичните ознаки во уникатни ознаки со имиња како божиќни или роденденски подароци. Соберете ги најдобрите фотографии од вашите пријатели и прикачете ги на подароците како стилски и впечатливи етикети. За специјалните пригоди, користете интересни фотографии и автопортрети што може да се споделуваат за да ги декорирате картичките и да правите ваши картички или залепете приспособени фотографии за да направите персонализирани покани.

Можете дури и да ја подобрите вашата академска организација со користење на Zoemini 2 од Canon. Користете налепници за да ги означите учебниците за училиште или факултет или да ги организирате вашите прибелешки за да можете да се потсетите пред испитот.

Подобрете го вашиот стил така што ќе направите личен моден каталог. Снимете автопортрет кога изгледате одлично и залепете го на гардеробата за секогаш да знаете што да носите. На овој начин можете дури и да ја планирате вашата празнична и фестивалска облека, така што однапред ќе знаете што да спакувате.

Експериментирајте со фризурата - пробајте шик фризури, старовремска виткана фризура или сложени плетенки и добијте инстант фотографија од резултатите, совршена за идни совети за стил. Може и да ги разменувате вашите фотографии со пријателите за да добиете важно независно мислење!

Гледате нешто што го сакате? Фотографирајте ги убавите чевли и создајте сопствена листа на желби која ќе ви биде достапна ако решите да се почестите со пријателите, а може и да ја споделите со саканите за да им дадете идеја за подарок пред вашиот роденден.

Напишано од Claire Price и Peter Wolinski