Како да ја изберете соодветната специјалност за вашиот видеоблог

Веројатно сте ја слушнале изреката „Што можеш денес, не оставај за утре“. Ако сте размислувале да станете видеоблогер, зошто не сега?

Ако изберете да станете креатор, земете предвид две нешта. Прво: дали имате што да споделите. Второ: како ќе внесете квалитет во раскажувањето приказни.

За креирање содржини или снимање видеоблогови, големиот опсег на фотоапарати, објективи и дополнителна опрема од Canon можат да ви помогнат да го подобрите вашето учење и создавање.

Успешните креатори на содржини се успешни делумно бидејќи нашле специјалност - што можете да го постигнете и вие, со правилните насоки и алатки.

Очигледниот прв чекор кога станува збор за снимање видеоблогови е да одлучите за која тема ќе снимате видеоблог. Иако е возбудливо, ова може да претставува предизвик, особено за почетници. Добар пристап е да размислите за вашите хобија и вештини, како и на кои можете да се фокусирате. Ако имате страст за готвење. На пример, видеоблог што ги прикажува вашите кулинарски вештини би можел да функционира, или видеоблог во кој правите јадења од целиот свет. Ако сте љубител на патувања, можете да се фокусирате на доловување на вашите доживувања во странство, почнувајќи од културни знаменитости до возбудливи екскурзии.

Возбудлив видеоблог е информативен и забавен, а притоа ќе има и елемент на учење, поради што е важно да сте добро запознаени со избраната тема. Видете и што недостасува во жанрот во кој сте заинтересирани - а потоа одредете како можете уникатно да ја пополните таа празнина.

Без оглед на тоа која е вашата специјалност, постои опрема со која можете да ги постигнете посакуваните цели.

Иако сите сакаат остри, совршени и висококвалитетни содржини, нема ништо подобро од спонтаните и неочекуваните мили моменти со семејството. Можете да снимите смешни бебиња и други семејни динамики. Не само што исполнува, туку им дава на видеоблогерите и можност да ги споделат овие радосни моменти со поширока публика.

Canon PowerShot V10, лесна камера дизајнирана особено за снимање видеоблогови, е совршена за вакви содржини. Нејзината преносливост го олеснува носењето, а притоа ја собира во мали торби, дури и џебови, кога сте надвор. И покрај компактната големина, оваа камера воопшто не го жртвува квалитетот на сликата. Резолуцијата од 4k, дизајн со паметни функции и висококвалитетниот микрофон ја прават Canon PowerShot V10 совршена за забавни видеоблогови со вашето семејство.

Кога станува збор за снимање фитнес-содржини, ви треба брз фотоапарат што ќе ги долови сите краткотрајни моменти; Canon EOS R10 и Canon EOS R50 се сигурни избори за снимање фитнес-видеоблогови.

EOS R10 може да снима видеозаписи во 4K UHD при 60 fps, при што обезбедува рамномерни и привлечни снимки. Нуди и снимање во Full HD до максимум 120 fps, што овозможува и снимки со забавени движења. И EOS R10 и R50 можат да снимаат видеозаписи со резолуција од 4K, со прекумерно семплирање од 6K, поради што ќе добиете снимки со висока резолуција и ќе можете да го видите секој детаљ. Резолуцијата од 4K со 60P на EOS R10 обезбедува рамномерни движења - што претставува огромна придобивка кога ќе ги земете предвид острите и брзи движења кои се изведуваат во фитнесот. Исто така, безжично се поврзува со паметни телефони, со што се олеснува споделувањето.

Системот за автоматски фокус на Canon EOS R10 го усовршува снимањето на фотографиите и движењата. Во поглед на снимањето движења, системот за автоматски фокус се адаптира со детекција на око, лице, глава и тело за да ги следи субјектите додека се движат во кадарот. За фотографии, системот Dual Pixel CMOS AF II нуди најмногу 651 фокусна точка, распоредени низ целата површина на сликата. Се одликува и со напредна детекција на очи, што ги одржува субјектите во остар фокус (со препознавање на окото на субјектот), дури и кога не се во центарот или во сложени сцени. За портрети и детални снимки - како и впечатливите мали сликички за вашиот видеоблог - ќе ви треба вакво прецизно фокусирање.

Canon EOS R50 е друга опција, совршен придружник за снимање движења. Лесниот и практичен дизајн го прави идеален за рачно снимање, без оглед на тоа дали ги документирате вашите авантури или снимате динамични моменти. Canon EOS R50 се одликува и со автоматски фокус со Dual Pixel CMOS II и моќен процесор DIGIC X за брзо и прецизно детектирање на субјект, за да можете да се фокусирате на создавање на содржините и да го оставите фотоапаратот да се фокусира за вас.

Последната алатка што можете да ја земете предвид за снимање фитнес-видеоблогови е надворешен микрофон, кој може лесно да се поврзе со EOS R10 преку повеќефункционалниот приклучок или приклучок за микрофон од 3,5 mm за да снима јасен звук. (Препорачуваме да го видите стерео-микрофонот DM-E100 од Canon.)

Најдоброто нешто во врска со снимањето видеоблогови за патувања е тоа што е многу разновидно. Врз основа на вашиот распоред, можете да снимате сѐ, почнувајќи од скокање од авион со падобран до нуркање, шетање по музеј или пешачење на планина.

Canon EOS R6 Mark II обезбедува стабилизација на слика (IS) со најмногу 8 чекори, поради што е соодветен за вакви активности. Дигиталната стабилизација на слика во реално време го менува отчитувањето на отсечената област од сензорот за слика за секој кадар за да го спречи движењето. Оваа функција е особено корисна за рачно снимање видеозаписи додека пешачите, бидејќи го намалува тресењето на фотоапаратот и обезбедува рамномерни снимки - совршено за вашите видеоблогови за патувања.

За вакви содржини, користење објектив со оптичка стабилизација на слика (содржи IS во името) може да го обезбеди најдобриот резултат, но не е критично ако изберете фотоапарат со IBIS. Комбинирањето на фотоапаратот со објективот Canon RF 28mm F2.8 STM, со тенок дизајн во вид на „палачинка“ за преносливост и разновидност, го прави снимањето видеоблогови за патувања попристапливо.

За општи насоки за избирање објектив, погледнете овде.

При снимање содржини за храна, од суштинско значење е да се постигнат квалитетни и богати детали и бои, а притоа, динамичкиот опсег е неопходен. Ќе ви требаат висококвалитетни визуелни материјали за да ја восхитите публиката - и да ја намамите да ги пробаат рецептите, да ги посетат рестораните и доволно да ги сакаат вашите содржини за да имаат интеракции со нив.

Canon EOS R10 е совршен за снимање видеоблогови од храна поради компактниот и лесниот дизајн, со што е лесен за носење и маневрирање. Брзиот и прецизен автоматски фокус гарантира дека секој детаљ - од пареата што излегува од бифтек до гарнир што внимателно се става на чинија - се доловува јасно. APS-C-сензорот со 24,2 MP на фотоапаратот обезбедува висококвалитетни и живописни слики кои ги истакнуваат богатите бои и текстури на храната; можностите за снимање видео со резолуција од 4K ви овозможуваат да создавате видеа кои ги прикажуваат вашите кулинарски дела со богати детали. Дополнително, разновидниот интерфејс на екранот на допир на EOS R10, како и интуитивните контроли, овозможуваат лесно приспособување на поставките во движење.

Исто така, кога снимате содржини за храна, изборот на објектив игра голема улога во постигнувањето на посакуваниот ефект. Објективите кои се одликуваат со макро способности овозможуваат детални слики одблиску од сложени текстури и бои. Објектив од 35 mm, како што е RF 35mm F1.8 MACRO IS STM, обезбедува природно видно поле, што резултира со пореални снимки. Од друга страна, објектив од 24 mm, како што е RF 24mm F1.8 MACRO IS STM, овозможува пошироко видно поле, со што се доловува поголем дел од опкружувањето од тоа што можеме природно да го видиме - а притоа, овозможува повеќе контекст додека снимате движења и слики надвор од субјектот (како деталите на состојките во кујната или слика одблиску од готово јадење на поставена маса).

Статив може да обезбеди стабилност, намалувајќи го тресењето на фотоапаратот, особено во услови со слаба осветленост. Ова станува корисно кога фотографирате храна, бидејќи сакате вашите видеа да бидат колку што е можно појасни и поостри.

Canon EOS R50 е уште еден фотоапарат кој е одличен за вакви видеоблогови. Маркерите за сооднос ви овозможуваат да го визуелизирате и приспособите обликувањето на кадарот на вашите содржини во различни соодноси на слика, што е важно за поставување на вашите содржини на различни платформи. На пример, платформи како Instagram користат сооднос од 1:1 или 4:5, а YouTube типично користи 16:9, додека TikTok е дизајниран за вертикални содржини со сооднос од 9:16. Нуди и компактен и лесен дизајн кој лесно се користи во секоја кујна. Со напредната технологија за обработка на слика и разновидни функции, EOS R50 доловува детални снимки од вашите јадења, оживувајќи ја секоја боја и текстура.

EOS R50 се одликува и со режим за видеодемонстрации за производи, кој се фокусира на предмет што се држи пред фотоапаратот, оптимизирајќи го фокусот за прикажување на производ. Фотоапаратот тогаш може беспрекорно да го префрли фокусот назад кон лицето на презентерот кога производот ќе биде спуштен. Оваа функција гарантира дека важните делови од снимките секогаш се во фокус за оваа специфична употреба, поради што гледачот секогаш целосно ќе внимава на вас како презентер или на предметот што го изложувате.

Почетокот на вашата авантура со снимање видеоблогови е возбудлив настан кој ви ги отвора вратите кон многу креативност и голем број опции. Од одлучување за специјалност - фитнес, патувања, храна или семејни моменти, или нешто друго - до избирање на соодветниот фотоапарат и објективи кои ќе ви помогнат да ја оживеете вашата визија, секој чекор е важен дел од процесот кој притоа ќе ве направи да се чувствувате исполнето.

Располагањето со соодветните алатки е клучно за создавање висококвалитетни содржини со кои вашата публика може да се поистовети. Во палетата на Canon има фотоапарат токму по ваш вкус, од EOS R10, кој е совршен за доловување динамични фитнес-рутини, до компактната, а сепак моќна PowerShot V10, којашто е идеална за семејни видеоблогови. Не избирате само фотоапарат; избирате и придружник кој ќе го поддржи и усоврши вашето снимање видеоблогови.

Уживајте во возбудата, изберете ја опремата која соодветствува на вашите уникатни потреби и дозволете ѝ на компанијата Canon да ви помогне да ја раскажете вашата приказна на највозбудливиот можен начин.

Напишано од Mabinty Taylor-Kamara