Осветлување за портрети со светли и темни тонови

Сите фотографи и кинематографи кои работат на својата уметност мора да го разберат концептот на осветлувањето со три точки.

• Клучното осветлување е главниот извор на осветлување кој е обично насочен директно кон субјектот.
• Дополнителното светло се поставува настрана за да се отстранат остри сенки од сликите и да се избегнат сцени со висок контраст (познато и како ефект „киароскуро“).
• Задно осветлување, како што навестува името, се поставува зад субјектот и го одвојува од заднината.

Начинот на кој ракувате со сите три извори на осветлување во врска со вашиот субјект може драстично да го смени изгледот на вашата слика. Системите за осветлување за портрети со светли и темни тонови може да ви помогнат да создадете амбиентални и професионални портрети во домот или во студио. Сѐ што ви е потребно се неколку блицови Speedlite, како што е Canon Speedlite EL-10, како и некоја дополнителна опрема која најчесто веќе ја имате или можете сами да ја направите од секојдневни предмети.

Терминот „светли тонови“ се однесува на слики со многу светли тонови кои најчесто се одликуваат со целосно бела заднина. Кога станува збор за портрети, тие делуваат светли, живописни и професионални. Ако имате два или повеќе блицови Speedlite и копче за да ги активирате надворешно, можете да создадете систем за осветлување за портрети со светли тонови во која било соба во која има еднобоен ѕид со светла боја. Важно е да се погоди соодносот на светлината – светлото во заднина треба да е многу посветло од клучното или главното светло (на нашиот субјект) за да може да се примени преголема експозиција кон бела боја на заднината.

1. Осветлете ја заднината

Започнете со тоа што ќе го ставите субјектот пред ѕид обоен со светла боја, а потоа поставете еден блиц Speedlite зад субјектот и насочете го кон ѕидот. Најдете експозиција со која ѕидот ќе стане чисто бел - не активирајте го вториот блиц сѐ додека не го направите ова. Во овој пример, фотоапаратот е поставен во рачен режим (M) со поставки за експозиција на f/8, 1/200 сек., ISO100 и блиц Speedlite поставен на напојување 1/1 во режим на рачен блиц. Резултатот нуди светла заднина за да можеме да продолжиме кон осветлување на субјектот.

2. Нагласете го лицето

Поставете го вториот блиц Speedlite пред субјектот и малку настрана за да дејствува како клучно светло. За да ја омекнете, распрснете и раширите светлината, користете модификатор за светлина, како бел чадор или придушен рефлектор. Ова ќе создаде поубав портрет. Поставете го блицот Speedlite во рачен режим и снимете неколку пробни снимки додека ја приспособувате или излезната моќност (овде е на ¼ моќност) или растојанието на светлината од субјектот сѐ додека не се постигне правилна експозиција на лицето.

Canon Speedlite EL-10 има разновиден опсег на моќност од 1/1 до 1/1024 за помек изглед. Освен тоа, панелот за рефлектирање светлина може да придонесе до дополнителен сјај во очите.

Темните тонови се спротивни на светлите тонови, а во сликата доминираат темни тонови. Ова може да се постигне со единечен извор на светлина, како далечински активиран блиц Speedlite. Canon Speedlite EL-10 може да се постави далечински со апликацијата Canon Camera Connect.

Со внимателно позиционирање на светлината, можете да го користите истиот ѕид за заднина како и во системот со светли тонови. Позиционирајте го изворот на светлината малку зад субјектот и настрана за светлината да е насочена кон работ на лицето, а потоа замолете го субјектот да го навали лицето кон светлината за да се фатат рабовите на образот и очите.

1. Затемнете ја заднината

Темен материјал за заднината како црн сомот е идеален за портрети со темни тонови, но дури и светол ѕид може да се затемни дури и ако само спречите светлина да допре до него. Една опција е да ги оддалечите субјектот и светлината од заднината, зголемувајќи го растојанието меѓу изворот на светлината и заднината. Можете да користите и предмет за да го затскриете блицот и да го насочите кон субјектот. Во првата слика овде, светлината допира до ѕидот во заднина. Во втората слика има црна ткаенина меѓу блицот Speedlite и ѕидот.

2. Амбиентални пози

Портретите со темни тонови се сериозни и замислени, поради што субјектот треба да позира на соодветен начин. Ваква странична поза може да функционира добро. При правилниот агол, светлината паѓа преку лицето и создава триаголно нагласување на едниот образ. Ова се нарекува „осветлување во вид на Рембрант“ по холандскиот сликар и претставува класична техника за осветлување на лица. Canon Speedlite EL-10 има панел за рефлектирање светлина за да добиете дополнителен сјај во очите. Можете да го продлабочите чувството со благо затемнување на боите за завршениот портрет со темни тонови.

Замолете пријател да ви помогне да ги тестирате овие совети, или обидете се далечински да снимате автопортрети со апликацијата Canon Camera Connect и играјте си со системите за осветлување за портрети со светли и темни тонови за да го видите ефектот врз изгледот на вашите слики.