Како да снимате прекрасни фотографии од диви животни: подигнување на свеста за зачувување на животната средина

Станете незабележителни во опкружувањето на субјектот и бидете колку што е можно потивки за да можете да снимите повеќе слики од животните во нивното природно опкружување, што е моќен фактор за фотографирањето диви животни. „Најважно е да бидете бесшумни“ - вели Christine. „Една од најважните карактеристики на фотоапаратот што им е потребна на фотографите за диви животни бесшумната бленда.“

Marc додава: „Важно е да има и брз автоматски фокус и секвенцијален режим [снимање неколку фотографии последователно со голема брзина], за да ја зголемите веројатноста за доловување одлична слика.“

Освен потивко функционирање во бесшумниот режим на работа, EOS 250D од Canon нуди и брзина на фотографирање од 5 fps, како и два системи за автоматско фокусирање што ја зголемуваат веројатноста за доловување неверојатно остра фотографија. Фотоапаратот може да го прилагодите ако ја исклучите функцијата за помошен зрак за AF, а тоа значи дека црвената светлина нема да се вклучи за да помогне при автоматското фокусирање, што е идеално за да не го вознемирите субјектот. Оптичкиот визир нуди избор помеѓу режим со 9 точки за AF или режим за прегледување во живо. Режимот за прегледување во живо ви овозможува да фотографирате преку екранот на допир и да го следите субјектот автоматски со 143 точки за AF, а за поголема контрола може да ги користите 3.975-те точки за рачен избор.

За да имате најповолни услови за да не ги вознемирите животните, намалете ја светлината на LCD-екранот за да не ве приметат. Фотографирањето без блиц ќе ви овозможи да ги фотографирате животните без да ги исплашите, но не заборавајте да ја зголемите вредноста на ISO за да доловите колку што е можно повеќе светлина. Максималната вредност за ISO кај EOS 250D од Canon може да се зголеми до 51200. Ако користите голема вредност за ISO може да создадете шум во сликата, но EOS 250D од Canon има опција за намалување на шумот при високи вредности на ISO што може да ја користите при обработка на вашите слики.

2. Зголемете ја брзината на блендата за да избегнете заматување

Брзината е најважна во фотографирањето диви животни, а Marc предложува да ја зголемите вредноста на ISO за да компензирате за помалата количина на светлина што ќе навлезе во фотоапаратот кога ќе ја зголемите брзината на блендата за да го доловите движењето и да го намалите заматувањето што го предизвикува тоа движење. „Независно какво животно фотографирате, секогаш користете висока вредност на ISO. Многумина се загрижени за користењето повисока вредност на ISO, но таа е неопходна.“

Christine додава: „ако не ја зголемите вредноста на ISO, постои ризик да добиете заматена слика бидејќи животното се движи побрзо од блендата“. За да избегнете заматување треба да ја зголемите вредноста на ISO за потоа да можете да ја зголемите брзината на блендата и да снимите остра слика со висок квалитет, притоа избирајќи соодветни поставки во зависност од движењето.

Како што утврдија и фотографите, избирањето висока вредност за ISO заради зголемување на брзината на блендата не го намали квалитетот на сликата и кај двата фотоапарати. Фотоапаратите EOS M200 од Canon и EOS 250D од Canon користат вредности до ISO25600, а вториот модел може да достигне до ISO51200.

3. Внимателно изберете ја минималната опрема

„На почетокот не ви е потребна целата опрема“ - советува Christine. „Започнете со широкоаголен и телефото објектив, а потоа набавувајте друга опрема.“

За да снимите фотографија од некое животно во неговата средина, може да го користите EOS M200 од Canon во комбинација со широкоаголен објектив како што е Canon EF-M 15-45mm f/3.5-6.3 IS STM. Или, пак, ако сакате да фотографирате од далечина со зум, тогаш телефото објективот Canon EF-M 55-200mm f/4.5-6.3 IS STM ќе ви биде идеален партнер. Компактниот телефото објектив Canon EF-S 55-250mm f/4-5.6 IS STM, наменет за фотоапаратот EOS 250D од Canon, може да ве доближи блиску до случувањата, а објективот Canon EF-S 18-55mm f/3.5-5.6 IS STM ќе ви овозможи да фотографирате со широк агол за да доловите животни со пејзаж или градска сцена во заднина.

4. Зумирајте и прикажете ги скриените детали

Целта на зачувувањето на животната средина е да се земе предвид „поголемата слика“, но фотографирањето во овој жанр ги опфаќа сите суштества, независно дали се мали или големи. „Можноста за прикажување на деталите што вообичаено поминуваат незабележани е тоа што најмногу ми се допаѓа во макро фотографирањето“ - вели Christine. „Премногу убавина во премногу мал свет.“

Ентузијастите за макро фотографии кои го користат фотоапаратот EOS M200 од Canon можат да го прикачат објективот Canon EF-M 28mm f/3.5 Macro IS STM кој не само што нуди зголемување до 1,2x, дополнително осветлување и елиминирање на непотребните сенки, туку е и првиот објектив со автоматски фокус во светот што е опремен со две вградени LED-диоди (Macro Lite) што можат да се контролираат.

„Многумина мислат дека макро фотографиите не се типични за фотографирањето што придонесува за зачувување на животната средина“ - вели Christine. „Но, тоа што е важно за нас е да се има портфолио што ги опфаќа сите аспекти на природата. Ако има нешто мало и убаво што треба да се истакне, макро фотографирањето е совршената алатка за тоа.“

5. Научете како да го користите фотоапаратот

Christine и Marc знаат дека најуспешниот начин за доловување на дивите животни е преку трпение и подготовка. „Предноста е во предвидувањето на следниот потег на вашиот субјект, па затоа мора внимателно да го набљудувате и да знаете како тој ќе реагира“ - вели Christine.

Исто така, важно е да сте запознаени со можностите на вашиот фотоапарат, односно да знаете за сите негови важни функции и границите до кои можете да го оптоварувате. „Користењето фотоапарат што разбирате како функционира е многу подобро отколку да користите посложен модел што ќе ви понуди две повеќе фотографии во секунда. Кога животното конечно ќе се појави, вие треба да бидете детално запознаени со вашиот фотоапарат и да можете да ракувате правилно со него, за да можете да реагирате брзо и да не губите скапоцено време барајќи поставки како што се контролите за фокусот.“

Една од првите работи што му се допадна на Marc за EOS M200 од Canon беше едноставниот и практичен дизајн, со екран што се врти за 180 степени. „Одличен е. Можете да пронајдете сè за неколку секунди, многу е брз и лесен за користење.“

Christine додава: „Многумина мислат дека треба само да се набави фотоапарат што може да направи сè, но всушност најважна е личноста зад фотоапаратот и неговите/нејзините вештини.“



Напишано од Natalie Denton



*EOS 250D од Canon (црна/сребрена боја) е најлесниот дигитален фотоапарат во светот со вграден објектив, сензор со APS-C-големина и LCD-екран што се врти, вклучувајќи батерија и мемориска картичка, согласно CIPA-стандардите, почнувајќи од 9 април 2019 година (истражено од страна на компанијата Canon).