Предизвик за изработување модели од хартија: пролетни украси

Придружете ни се за првото издание на нашата сезонска серија на предизвици за изработување модели од хартија додека ги замолуваме изработувачите и семејствата да бидат креативни со изработувањето модели од хартија за да прослават прилики за време на целата година.

Во нашиот прв предизвик, дизајнерот и ентузијаст за изработување Hannah Bullivant, заедно со нејзините деца Frankie и Аuden, користеа шаблони од Creative Park од Canon како основа за сезонски излог за прослава на почетокот на пролетта.

Без оглед на тоа дали се работи за цвеќиња што започнуваат да цутат, јагниња што скокаат низ полиња или чоколадни зајаци за јадење, сите се радуваат на почетокот на пролетта. Правењето свои пролетни декорации претставува многу повеќе од само достапен начин за разубавување на вашиот дом, бидејќи така можете да рециклирате хартиени шаблони по завршувањето или да ги задржите за идни настани.

• Веб-страница Creative Park.
• Печатач Canon PIXMA, како што е серијата PIXMA TS5350a.
• Мат фотохартија од Canon
• Ножици
• Линијар (за повлекување на линии за превиткување)
• Лепило/пиштол за лепило/самолепливи точки

Големиот број шаблони на Creative Park значи дека има некои што се соодветни за најмалите, како и посложени шаблони за возрасни, што значи дека сите може да се вклучат. „Има многу достапни проекти за многу различни настани и прослави“ - вели Hannah. „Многу ми се допаѓа што некои се многу едноставни, а некои се посложени. Ако сакате, можете да изработувате со денови, но има и полесни шаблони, како венци, што се навистина едноставни“.

Hannah реши да направи поголеми цвеќиња од украс со конци, пчели и велигденски комплет, вклучувајќи корпа и јајца. Исто така, таа избра шаблон од зајак за да соодветствува со сезонската тема.

Хартиените цвеќиња можат да го разубават вашиот дом, без оглед на годишното време. Свежо набраните цвеќиња ќе внесат прекрасни бои во вашиот дом во период од неколку дена, но свежо отпечатените траат многу подолго. Ќе пронајдете едноставен и шарен единечен хартиен гербер во делот Растенија на Creative Park, заедно со многу други видови цвеќиња како лале, лилјан и сончоглед, така што можете да изработите сопствен букет од хартиени цвеќиња.

Можете да ги приспособите шаблоните, додавајќи боја на јајцата, на пример, или да ги приспособите ушите на шаблонот од зајакот пред да ги залепите за да создадете различни зајачиња. Користете ги дизајните како појдовна точка и дозволете ѝ на вашата фантазија да се погрижи за останатото.

Откако ќе ги изберете шаблоните, можете да печатите директно од вашиот паметен телефон.

Кога ќе ги отпечатите и исечете сите шаблони, добра идеја е да ги обележите линиите со линијар пред превиткување и лепење. Формата на шаблонот ќе биде подобра кога ќе го изработите ако го направите тоа.

Откако сѐ ќе биде исечено и превиткано, време да започнете со лепење. За посложени дизајни, можете да користите пиштол за лепило, но точки лепило или лепило во стик исто така функционира. Чепкалка за заби ставена во лепило може да биде практична за помали делчиња. Уверете се дека лепилото е суво пред да ги склопите сите делови од вашиот дизајн.

„За изработувањето е потребно време, но штом ќе навлезете во тоа, можете да медитирате“ - вели Hannah. „Уживајте во процесот. Ова не е изработување што завршува брзо, туку е потребно малку повеќе време. Изберете аудиокнига или podcast-содржина во која уживате, забавете и уживајте во изработката“.

Секој дизајн од Creative Park има оценка со ѕвездичка што го означува нивото на тежина, така што, ако сте почетник во изработувањето модели од хартија или имате помалку време за проект, можете да изберете алтернативен шаблон.

Hannah реши да ја украси својата пролетна маса со комбинација од модели од хартија, вазни со нарциси и лалиња, топли колачиња со крст и чоколадни јајца, но можете да ги изложите вашите украси на каков било начин. Обидете се да прикачите цвеќиња на рамката на прозорецот од вашата кујна со леплив кит или да направите дупки во дизајните за да протнете конец низ нив и да создадете пролетен венец.

По чајанката, Hannah и нејзините деца решија да задржат некои шаблони, како малите зајачиња, но ги рециклираа останатите. „Секогаш се обидувам да намалам пластичен отпад за родендени и настани, така што дефинитивно би ги разгледала проектите од Creative Park повторно“ - вели таа.

Hannah вели дека ќе внимава на следниот предизвик за изработување модели од хартија, според тема за летен пикник, бидејќи секогаш бара идеи за изработување и креативни проекти за да го привлече вниманието на нејзините деца за време на училишните одмори.

За повеќе инспирација, разгледајте ја нашата страница на Pinterest и споделете ги вашите пролетни украси со нас користејќи ја хаш-ознаката #MadeWithPixma.