Направете си свои фиџети со Creative Park

Paula Milner е ентузијаст за изработка на модели и дизајнерка за текстил која живее во Обединетото Кралство. Позната е под името The Crafty Lass на Instagram, каде што ги споделува своите инспирации за изработка на модели и моменти од животот во нејзиниот дом со повеќе од 6.000 следбеници. Freddie, најстариот син на Paula, има аутизам и чека дијагноза за АДХД, што значи дека му е потребна дополнителна помош - нешто за кое Paula разговара отворено и искрено на нејзините социјални канали.

Изработувањето модели отсекогаш било голем дел од детството на Freddie, и иако понекогаш му е тешко да се концентрира подолго време, Paula пронаоѓа начини да му го задржи вниманието. „Freddie е навистина заинтересиран за работата на мама и тато“ - вели Paula. „Татко му е инженер и многу е добар со броеви, па затоа и Freddie е заинтересиран за играчки и игри со броеви. Ако ме види како плетам или шијам, сака да научи како се прави тоа - веќе знае да зашие копче и има направено свој јорган. Многу е заинтересиран за секоја активност што веднаш му дава резултати“.

Paula неодамна дозна за Creative Park од Canon, со чија помош го забавува Freddie со безброј проекти за модели од хартија што се лесни за изработка. Фиџетите изработени од хартија се одлична алтернатива за пластичните опции, а целиот процес за Freddie делува многу смирувачки, почнувајќи од изработка на своите играчки до играње со нив. Фиџетите не се само за деца - тие нудат занимација за рацете и им помагаат на возрасните да се концентрираат доколку чувствуваат немир или нервоза.

Ако сакате да изработите свои фиџети, ова е сè што ќе ви биде потребно, плус малку инспирација од Freddie и Paula.

• Печатач од Canon, како што е серијата Canon PIXMA TS5350a
• Мат фотохартија од Canon
• Веб-страница Creative Park
• Canon ID-сметка што може да се отвори бесплатно
• Ножици
• Молив

• Светки, пенкала или други додатоци за декорирање
• Лепило

Creative Park ќе ви помогне да бидете креативни кога ќе посакате. Достапен е избор од илјадници проекти за модели од хартија, почнувајќи од омилените фиџети на Freddie па сè по посложени и образовни помагала како книги со модели од букви.

„Интересите на Freddie се менуваат многу често“ - вели Paula. „Еден момент го интересираат броеви, а веќе во следниот најинтересни му се светлите бои, па затоа понудените содржини што ги нуди Creative Park се многу корисни кога барам работи што ќе му се допаднат“.

Барање шаблони во Creative Park е лесно. Користете го паѓачкото мени на веб-страницата. Може да ја искористите и иконата за пребарување. Ако ја користите апликацијата Creative Park прв пат, не е лоша идеја да почнете со едноставни проекти. Фиџетите, како што се овие вртимушки, се совршени за почетници или деца (под надзор од возрасни). Ќе ги пронајдете со пребарување на фразата „Оригами вртимушки“ во лентата за пребарување на верзијата за компјутери или ако отидете во категориите Модели од хартија > Образовни > Забава.

Мат фотохартијата од Canon е одлична за изработка на модели од хартија. Малку е подебела од стандардната A4-хартија и овозможува висококвалитетна репродукција на светли бои со кои ќе ги истакнете вашите креации. Ставете ја хартијата во печатачот PIXMA според упатствата и преземете PDF-шаблон од веб-страницата Creative Park за да печатите од компјутерот или уредот.

„Freddie се радува на нови идеи и треба да биде стимулиран, така што можноста за избирање на содржини и нивно моментално печатење е совршена за него“ - вели Paula. Откако ќе го изберете вашиот шаблон и ќе ставите хартија, за неколку минути ќе можете да почнете со изработка на моделот.

Откако ќе ги отпечатите шаблоните, следната фаза е да ги отсечете. Следете ги линиите на шаблонот и побарајте ги иконите во форма на ножици што посочуваат каде треба да направите дополнителни засеци. За фиџетите се потребни само неколку сечења, поради што се доволно лесни за да можат да ги изработуваат деца, со многу мала помош заради безбедност.

Фиџетите може лесно да ги украсите со боја, пенкала или други мали додатоци како светки или налепници (имајте предвид дека користењето боја или светки може да го оневозможи нивното рециклирање). „Неодамна дознав за Creative Park“ - вели Paula, „но мислам дека е неверојатен ресурс за родители кои треба да ги забавуваат своите деца за време на училишните одмори или да ги направат домашните задачи поинтересни.

„Открив многу начини кои можат да им помогнат и на возрасните, особено оние кои бараат алтернативни и одржливи начини за украсување забави и настани“. Достапни се и многу опции за украси за во домот што може да ги отпечатите.

„Изработувањето модели од хартија е многу релаксирачко за Freddie кој сака да изработува предмети со своите раце. Му предложивме да си игра со фиџети поодамна, но сега активно ги бара секогаш кога сака да се смири“ - вели Paula.

Изработувањето предмети од хартија може да биде многу смирувачка активност за поединци, но претставува и одличен начин за младите да се дружат со пријателите. Не постојат ограничувања за преземање на шаблоните, па затоа може сите да се обидете да го изработите истиот модел. Откако децата ќе ги направат играчките, охрабрете ги да направат игри што ќе ги играат заедно, како организирање куклена претстава за родителите.

Забавите со изработување модели од хартија не се само за деца - радоста што ја предизвикува изработувањето предмети со свои раце е добра и за возрасните. За некои извонредни проекти од категоријата за архитектура на Creative Park е потребно повеќе време и трпение, како што се моделите од црквата Саграда Фамилија во Шпанија и храмовите Ангкор Ват во Камбоџа.

„Кога станува збор за изработување модели од хартија, децата сакаат да учествуваат во процесот и не им пречи да се извалкаат“ - вели Paula. „Возрасните, пак, сакаат добро да обмислат како треба да изгледаат нештата пред да почнат со изработката. Изработување модели од хартија со Creative Park е совршено и за двете групи - независно дали сакате да создадете уникатни дизајни или да ги користите шаблоните. Ако згрешите, може повторно да ги отпечатите и да почнете од почеток“.

Мат фотохартијата од Canon може да се рециклира заедно со стандардната хартија/картички (секогаш проверувајте ги локалните закони за рециклирање). Постои можност да не може да се изврши рециклирање доколку ги украсите вашите дизајни или користите лепило, но може да побарате поодржливи опции како што се биоразградливите светки.

„Freddie може да биде многу несмасен“ - вели Paula. „Може лесно да ги скрши пластичните играчки, а тоа би било штета доколку сме ги платиле скапо. Благодарение на бесплатните шаблони за играчки во Creative Park не се грижиме многу ако ги скрши, особено кога знаеме дека може да ја рециклираме хартијата“.

Ако допрва го откривате Creative Park, започнете со мали проекти и постепено напредувајте кон поголемите и посложените проекти, а притоа рециклирајте ги вашите претходни креации за да направите простор за нови.

Напишано од Matthew Bowen