Персонализирајте го вашиот свет со налепници

Не можете да најдете соодветна футрола за вашиот паметен телефон или лаптоп? Дизајнирајте сопствен изглед и веднаш отпечатете го со пренослив печатач од Canon, без да треба да правите компромиси со стилот или да чекате испорака.

Приспособувањето на вашите технолошки уреди е совршена можност да си го изразите карактерот. Користете ги омилените бои, спомени од патувањата, групни автопортрети или инспиративни цитати. Вака може да направите вашите нешта да бидат лесно препознатливи и да бидат добра прилика за започнување разговор.

Освен за персонализација на вашите уреди, налепниците се забавен и едноставен начин да го внесете вашиот карактер во сѐ и сешто. Не се само украсни, туку може да бидат и практични, за означување и организирање.

Палетата на компактни печатачи од Canon го олеснува директното печатење од паметен телефон, а изборот од хартии со самолеплива задна страна ви овозможува да создавате налепници и персонализирани етикети за само неколку секунди и потоа да ги користите за украсување на вашите нешта и секојдневни предмети.

Со Canon SELPHY QX20, печатењето налепници е едноставно и брзо. Можете да изберете меѓу две различни големини на фотохартија со самолеплива задна страна, квадратна или големина на картичка, кои се одликуваат со граница врз која може да се пишува, одлична за ознака или за вашето име, за да ги приспособите вашите налепници за секоја намена. Уште еден печатач од палетата на SELPHY – SELPHY CP1500, има и мини налепници покрај квадратните и налепниците со големина на картичка. Палетата Canon Zoemini има два вида на хартија за налепници - правоаголна и кружна, којашто е помала.

Откако ќе се одлучите за дизајнот, има многу начини на кои може дополнително да го персонализирате. Благодарение на апликациите за фотографии и печатење од Canon, може да пробате различни опции на вашиот телефон пред да ги отпечатите.

Canon SELPHY QX20 и SELPHY CP1500 се компатибилни со бесплатната апликација Canon SELPHY Photo Layout, која ви овозможува да експериментирате со распоредите и завршните обработки, а потоа да печатите безжично, директно од апликацијата. Можете да додавате уметнички детали како печати, филтри, рабови и текст, како и да создавате колажи, рамки и приспособливи рабови. Може да ги користите и шаблоните за распоред на повеќе фотографии за да поставите неколку слики во една налепница, а потоа да ги исечете за да создадете помали дизајни.

Палетата Canon Zoemini е компатибилна со апликацијата Canon Mini Print, која ви овозможува креативна работа со филтри, рамки, налепници и цртежи, како и алатки за колажи и аранжирање.

Canon Zoemini S2 е инстант печатач, но и камера. Неговото вградено огледало за автопортрети и прстенестото светло би требало да ви понудат совршени фотографии, но сепак може да експериментирате со нив во апликацијата Canon Mini Print.

Следно, треба да одлучите каква хартија или налепници сакате да користите и да ги ставите во преносливиот печатач. Палетата Canon Zoemini користи фотохартија Canon ZINK™, која нуди печатење материјали со самолеплива задна страна и без рабови и печатење материјали со самолеплива задна страна отпорни на вода и кинење, кои може да се исечат во секоја форма или големина. Или, пак, зошто да не ги пробате однапред исечените кружни налепници? Тоа е едноставен начин за печатење мини налепници, за да може да сликате автопортрет со најдобриот пријател и да го залепите споменот на футролата на вашиот телефон за само неколку секунди.

Canon SELPHY QX20 користи две големини за хартија за налепници со рабови, која се одликува со дебел раб во кој може да впишувате датуми, имиња или цитати за инспирација. За да имате уште повеќе избор, поголемиот печатач Canon SELPHY CP1500 може да печати во повеќе големини, вклучувајќи мини налепници и налепници со големина на кредитна картичка. SELPHY CP1500 се поврзува и преку USB ако сакате да печатите од друг уред. Вметнете ја хартијата и вашите фотографии ќе бидат отпечатени за неколку секунди.

Освен тоа, фотохартијата ZINK™ и палетата хартии за налепници SELPHY може да се отстранат без да остават траги, така што, ако ви здодеат вашите дизајни, едноставно може да ги одлепите и да почнете одново.

Сега треба да ја одлепите задната самолеплива страна и да го залепите отпечатениот материјал врз избраниот предмет. Може да биде корисно ако прво ја исчистите површината за да биде рамна и без остатоци. Внимателно одлепете ја задната самолеплива страна и залепете со еден бавен потег. Тука линијарот може да ви помогне да одлепувате и залепувате по права линија, движејќи го стабилно врз налепницата.

Кога уредите ќе изгледаат добро, можеби ќе забележите и други нешта на кои може добро да им дојде малку украсување. Ако сте му дале на паметниот телефон свеж и нов изглед, зошто да не ги украсите и слушалките во сличен стил? Следат уште некои креативни начини за користење приспособени налепници за да го персонализирате вашиот свет.

Персонализацијата е многу важна за гејмерите. Зошто да се ограничите на вашиот телефон, таблет и лаптоп? Без оглед на тоа дали се работи за вашата конзола за играње игри, контролерот или компјутерот за играње игри, приспособените налепници додаваат слој на уникатност на вашата опрема. Замислете ги вашите контролери, украсени со налепници со вашите омилени ликови или лого-ознаки од игри.

Печатењето налепници нуди идеална можност заедно да бидете креативни. Отпечатете налепници од вашите семејни фотографии и користете ги за да го украсите фрижидерот или предмети како велосипеди и играчки, или создајте приспособени семејни календари. Canon SELPHY CP1500 може да печати во различни големини за да соодветствува на различни проекти. Овие издржливи и живописни налепници се совршени за децата да можат да го персонализираат својот училиштен прибор. (А нивното создавање е одлична семејна активност.)

Освен за украсување, налепниците се многу корисни за организација на вашиот дом, работното место и просторот за творење. Создајте приспособени ознаки за вашите тегли и шишиња, или за фиоките во вашиот дом. Наместо само ознака, додајте слика за веднаш да го најдете тоа што го сакате. За расипливи производи, можете да ги забележите датумите за поминување на рок на налепницата. Хартијата за налепници е лесна за сечење, поради што можете да создадете помали ознаки за сите ваши потреби.

Разубавете ги секојдневните предмети со забавни налепници кои се уникатни, исто како вас. Одите на фестивал, на патување, или на универзитет? Направете ги вашите шишиња за вода, кутии за храна и друга опрема лесно препознатливи со уникатна налепница. Тоа е едноставно решение и за семејни излети!

Кој печатач и да го изберете, печатењето свои налепници нуди нови можности кога станува збор за персонализација и креативност. Од украсување на вашите технолошки уреди до организирање на вашиот дом, лесно е да создадете приспособени налепници кои се и прекрасни, и корисни.

Напишано од Kat Halstead, Angela Nicholson и Sarah Kay Bland