Патувајте со лесен багаж: фотографирајте ја природата со компактниот PowerShot SX740 HS LITE

Верверичка што трча по гранка; елен што срамежливо ѕирка зад дрвјата; црвеногушка закачена на сад за хранење: за фотографирање диви животни ви се потребни брзи реакции и можност за доближување до случувањата без да ги исплашите субјектите. Без разлика дали се шетате, седите во градината или сте на сафари, џебниот Canon PowerShot SX740 HS LITE со оптички зум до 40x и 4K-резолуција може да ве доближи до случувањата и да ви помогне во снимањето на совршената слика.

Ќе ви кажеме пет причини поради кои овој лесен и компактен фотоапарат со зум е идеален за патување со малку багаж.

Благодарение на моќниот оптички зум до 40x на Canon PowerShot SX740 HS LITE, нема потреба да им се доближувате на животните и да ги исплашите, а со тоа ќе надминете една од најголемите пречки за фотографирање диви животни и ќе фотографирате од далечина. Функцијата за помош при обликување на кадарот ќе ви помогне да го ставите субјектот во кадарот, а технологијата ZoomPlus на фотоапаратот двојно го зголемува оптичкиот зум на дигитален начин за да добиете вкупен зум до 80x.

Со компактните фотоапарати нема да пропуштите ниту еден момент бидејќи може да ги носите насекаде со вас - од шума до ливада, од сафари до плажа. Со дебелина помала од 4 cm, лесниот фотоапарат Canon PowerShot SX740 HS LITE може лесно да се носи во џеб за да ви биде при рака кога ќе ви затреба, подготвен да ја долови птицата грабливка што ќе се спушти од небото или урбаната лисица што се крие во сенките. Можностите се бесконечни со овој компактен придружник: ќе ви овозможи да фотографирате диви животни со висока резолуција во секое време и на секое место.

LCD-екранот што се врти на Canon PowerShot SX740 HS LITE ви овозможува да снимите совршен автопортрет „во природа“, особено во комбинација со режимот за автопортрети на фотоапаратот. Можноста за вртење до 180 степени е неверојатно практична и ќе ви овозможи, на пример, да фотографирате од висина на колкот без да се наведнувате, а сепак да ја гледате фотографијата што ќе ја снимите.

Ако сакате да ги споделувате вашите слики со пријателите и семејството, тогаш опциите за поврзување преку Bluetooth и Wi-Fi ќе ви овозможат лесно да го поврзете Canon PowerShot SX740 HS LITE со вашиот паметен телефон. Активирајте ја функцијата за автоматско префрлување на апликацијата Canon Camera Connect и вашите слики ќе се префрлуваат за неколку секунди во вашиот телефон или таблет-уред за да ги објавите на социјалните медиуми или да ги испратите на саканите. Дури и ако фотографирате само поради тоа што уживате во тоа, оваа функција е многу практична - овозможува многу лесно правење резервни копии од најновите фотографии што сте ги снимиле во компјутер.

Не правете отстапки за квалитетот за видео доколку се одлучите за компактен модел. Малиот, но сепак моќен Canon PowerShot SX740 HS LITE EDITION снима неверојатни 4K-видеоснимки со кои може да го доловите дебелото животинско крзно или интересните шари на пердувите на птиците. Високата резолуција, заедно со оптичката стабилизација на сликата, ќе ви овозможи да снимате со ист квалитет дури и ако се движите. Достапни се и опции за снимање фотографии од снимените видеосодржини и режим за снимање видеозаписи со забрзани движења - идеално за доловување на прекрасно зајдисонце.

Напишано од Tamzin Wilks