Canon EF 35mm f/1.4L II USM

Детални карактеристики

• Нуди широкоаголен приказ со природна перспектива

  Класична широкоаголна фокусна должина од 35 mm, која им е омилена на документарните фотографи поради својата можност за снимање објекти во рамките на своето опкружување без изобличување на перспективата.

• Извонредни перформанси при слаба осветленост

  Големата максимална решетка од f/1.4 овозможува два чекора повеќе за светлина отколку објективот за зумирање со f/2.8, што го прави овој објектив идеален за рачно фотографирање во услови со слабо осветлување.Фотографирањето со широка решетка им овозможува на фотографите да ја ограничат длабочината на полето. Создавањето такви ефекти со фокусирање на мало растојание претставува начин на кој објектите се истакнуваат од заднината, што е особено ефикасно кога се комбинира со широкоаголното видно поле на објективот.Блендата на објективот со девет сечила ги обработува дефокусираните области рамномерно и реално.

• Поставува нови стандарди во квалитетот на сликата

  Оптиката за прекршување светлина со син спектар, изработена од органски оптички материјал кој го создава Canon, се справува со појавата на рабови на боите преку коригирање на хроматските аберации до степен кој не бил возможен досега.Оптиката со извонредно ниска дисперзија (UD) и двата асферични елементи на објективот нудат неверојатна острина низ целиот кадар - дури и при широк отвор на објективот.Слојот со структура со суб-бранова должина го зголемува контрастот и ги спречува одблесоците и привидните облици при снимање наспроти светлина.

• Фокусира брзо и дискретно, овозможувајќи ви да го снимите неочекуваното

  Прстенестиот USM автоматски фокус овозможува брзо и прецизно фокусирање кое е речиси бесшумно, така што ќе можете да работите без да ја нарушувате сцената.Постојаното рачно фокусирање овозможува прилагодувања на фокусот без менување на режимот на фокусирање и без поместување на фотоапаратот од окото.

• Продолжете да фотографирате дури и во тешки временски услови

  Квалитетот на изработка на легендарната серија L од Canon ви дава доверба и ја зголемува издржливоста. Заштитата од временските услови нуди заштита од прав и влага, а слојот од флуор го штити предниот и задниот елемент на објективот од маснотии и нечистотии, што го прави полесен за чистење.

• Оптика за прекршување светлина со син спектар

  Canon ја создаде оптиката за прекршување светлина со син спектар (BR) за да се справи со појавата на рабови на боите во објективите со голем дијаметар. Овој специјално изработен органски оптички материјал е поефикасен во коригирањето на рабовите отколку другите технологии како флуорит, извонредно ниската дисперзија (UD) или одличното UD стакло. Појавата на рабови на боите е предизвикано од хроматската аберација - појава во која светлината од различните бои се фокусира на различни точки. Користењето на BR оптичкиот материјал во EF 35 mm f/1.4L II USM го минимизира овој ефект. Другите елементи во објективот може да се оптимизираат за да овозможат извонредна острина, контраст и отпорност на одблесоци.