(1) Прегледување во живо на избраната слика 

(2) Алатки за отсекување и ротирање на сликите 

(3) Приказ на мали сликички од сите отворени / избрани слики 

(4) Место за зачувување и избирање на вашите омилени подесувања 

(5) Место за поставки за печатењето (вид на хартија, распоред, управување со бои) 

(6) Копче за печатење со можност за подесување на број на копии

Во делот за вид на медиум изберете го името на хартијата за фотохартии од Canon или видот на хартијата за други хартии (т.е. друга сјајна хартија, друга хартија за фина уметност или платно).

Изберете ја точната големина на хартијата и соодветниот фах за хартија (заден фах или рачно снабдување). Во автоматскиот заден фах најчесто се ставаат сјајни и мат хартии, како и хартии со отсјај, а подебелите и потешките хартии треба да се вметнат во механизмот за рачно снабдување.

Изберете од однапред поставени рабови вклучувајќи печатење со или без рабови или, пак, 2 или 4 слики на еден лист хартија. Кога печатите со рабови можете да ја прилагодите големината на сликата со повлекување на нејзините агли во прозорецот за прегледување или со избирање на точната големина на сликата или работ во милиметри, во менито за распоред.

Поставете ја сликата во средината на хартијата на едноставен начин преку менито за порамнување или додадете прилагоден распоред во листата (со кликнување на копчето со знакот плус).

Професионалните печатачи за фотографии од Canon ви овозможуваат да печатите фотографии што изгледаат колку што е можно послично на сликите прикажани на екранот.

За најдобри резултати, поставете го режимот за бои на ICC-профил, поставете го профилот на печатачот на „автоматски“ за хартии од Canon или изберете соодветен ICC-профил за други хартии. Намерата за рендерирање треба да се постави на „перцептивно“.

Изберете го режимот за „Печатење црно-бели фотографии“ за да ја претворите сликата во боја во црно-бела слика или за да печатите црно-бели фотографии со поприроден изглед од еднобојни слики.

Со избирање на опцијата „Нанеси проѕирен слој врз целата страница“, врз целата површина за печатење се нанесува Chroma Optimiser (таму каде што е достапно), со што се добива дополнително зголемување на сјајноста. Како зададена опција, проѕирното мастило се нанесува само врз површините што се покриени со мастило во боја.

Во подесувањата за текст (во делот за распоред) можете да додадете прилагодени фусноти, број на страница, информации за авторските права или информации за снимената фотографија (доколку се достапни во податоците за сликата).

Фонтот, големината и бојата на текстот можат да се подесат. За користење на повеќето подесувања за текст е потребен распоред со граници.

Кога печатите црно-бели слики, со едно кликнување можете да изберете тон и да ги отпечатите еднобојните слики со потопли или поладни тонови. Сликите во боја можат да се прилагодат со нагласување на која било боја.

Функцијата за печатење шаблони ви овозможува да отпечатите еден лист со сликички од вашата фотографија прилагодени според нагласените бои што сте ги избрале или според светлината и контрастот.

И покрај тоа што вашиот фотоапарат и печатач функционираат со врвни перформанси, не е можно да се избегне намалувањето на пренесената светлина и сигналите за време на обработката. Меѓутоа, главната причина за тоа е разликата помеѓу идеалната слика и слика што нема остри детали, а ако се изврши корекција врз основа на податоците за прецизност и на двете слики, тогаш е можно да се добие идеална слика. Ова е можно благодарение на супериорноста на Canon во однос на контролата врз сите фактори, почнувајќи од влезните сигнали па сè до резултатите, користејќи исклучиво производи од Canon. Сликите може да се обноват со нивната оригинална острина преку корекции засновани врз податоците за прецизност и за идеалните и за не толку идеалните оптички карактеристики и карактеристики за печатење.

Дигиталното оптимизирање на објективи е функција што е дел од Digital Photo Professional, оригинална апликација за EOS дизајнирана за обработка на RAW-слики, или дел од многубројните функции во одредени фотоапарати. Функцијата ги отстранува несаканите оптички карактеристики од податоците на RAW-сликите при употреба на компатибилни фотоапарати и објективи. Таа е дел од технологијата за изострување слики на Canon која е можна благодарение на независното производство на Canon почнувајќи од објективи и сензори па сè до процесори за слика. Освен корекција на аберацијата на објективите, корекција се врши и на изменетата светлина за да се врати во првобитната состојба со помош на феномен за дифракција, нископропусни филтри итн. за реалистично и прекрасно обновување на оригиналните слики со максимална острина.

Репродукцијата на контрастот е функција што е присутна во дополнителната компонента Print Studio Pro што се испорачува со PRO-1000. Оваа функција ги коригира сите загуби во острината за време на печатењето преку претходна анализа на разликите во печатачот и хартијата. Тоа резултира со реална репродукција на оригиналната острина на сликата, со што се добиваат живописни отпечатени материјали. Препознавањето разлики помеѓу идеалните и не толку идеалните карактеристики за печатење овозможуваат печатење на висококвалитетни фотографии што го задржуваат истото ниво на острина како и оригиналните слики.