EOS C70 има новодизајниран и интуитивен интерфејс за директна контрола со допир што овозможува брз пристап и контрола на поставките на екранот. Треба само да ги допрете опциите што сакате да ги промените, а потоа да ги прилагодите со движење на прстот.
EOS C70 нуди автоматско ISO/засилување за рамномерни промени и автоматски ја прилагодува чувствителноста при преминување од темни во светли простории и обратно. Поставете го прагот со избирање на границата за ISO, а камерата ќе се погрижи за останатото: уште една грижа помалку при снимањето, за да можете да се фокусирате на доловувањето на моментот.
Освен отворите за прикачување статив што се наоѓаат на долната страна на камерата, достапен е и друг отвор на држачот што го олеснува долготрајното снимање на вертикални содржини - независно дали е монтирана на статив или механизам за стабилизација.
Оваа опција за вертикално снимање нуди флексибилност при снимање содржини за преносливи паметни уреди или при снимање вертикални реклами. Треба само да ја изберете ориентацијата во која сакате да снимате во менито - или доделете ја функцијата на приспособливо копче за да добиете уште побрз пристап (метаподатоците за ротација се поддржани само во MP4-снимки).
EOS C70 е првата камера Cinema EOS што поддржува систем за стабилизација на слика што соработува со објективите со RF-приклучок. Таквиот систем им овозможува на камерата и објективот да работат обединето за да обезбедат најдобри резултати. Оптималната стабилизација на слика се постигнува при користење на RF-објектив во комбинација со електронската стабилизација на слика вградена во EOS C70. Подобрени се и перформансите за спречување вибрации во однос на стандардните EF-објективи + електронска стабилизација на слика.
Ако прикачите RF-објектив директно на фотоапаратот, тогаш објективот и куќиштето ќе работат обединето за да обезбедат оптимални перформанси.
Ако прикачите EF-објектив преку адаптерот EF-EOS R, тогаш објективот и куќиштето ќе вршат стабилизација независно.
EOS C70 поддржува анаморфни објективи преку поништување на собирањето на сликата што се прикажува преку LCD-екранот и излезниот HDMI-сигнал. Камерата поддржува користење на анаморфни објективи што ја собираат сликата за 1,3x и 2x.
Во првите сесии за снимање со EOS R5 од Canon, Martin Bissig и Ivan D’Antonio открија како неговите функции за 8K го намалуваат времето на снимање и ги зголемуваат креативните опции.
Врвни женски сниматели откриваат како успеале во филмскиот бизнис и нудат совети за жените кои сакаат да го следат нивниот пример.
Jolade Olusanya објаснува како ја користел камерата Cinema EOS со RF-приклучок од Canon за да сними прекрасен филм за поетесата Sophia Thakur.
Нов приклучок, нов дизајн, нови можности… Дознајте како компактната и моќна камера со формат Super 35 mm од Canon може да ги зголеми вашите креативни опции.