Жива и динамична музика со EOS C200 од Canon

Со новата камера EOS C200, продуцентот Patrick Greaves и директорот на фотографија Ricky Patel снимија музички перформанс во живо во 4K HDR со снимка како во кино и минимално осветлување

Во суштина, повеќето кратки филмови кои прикажуваат музичари се фантазија, затоа што на повеќето музички спотови музичарите пеат на плејбек. „Mahogany Sessions“ се вистински контраст на ова: нивната цел е да создадат филмски приказ на вистински, жив перформанс, фотографиран во стил што ја надополнува реалноста на ситуацијата, а сликата да остане драматична и интересна.

Продуцентот Patrick Greaves и директорот на фотографија Ricky Patel се редовни соработници на „Mahogany Sessions“. Секоја музичка изведба се снима во еден кадар, што Greaves го опишува како „снимање на нешто реално и органско. Музичките изведби ни даваат можност да се запознаеме со најдобрите нови и докажани таленти со извонреден визуелен приказ на перформансите во живо“. За снимањето на лондонскиот музичар Alfa Mist, Greaves и Patel ја избраа камерата EOS C200 од Canon поради нејзината комбинација од одличен сензор со висок динамички опсег, вградено снимање на RAW и компактни димензии. Greaves продолжува, „камерата може да ја користиме со различни додатоци, вклучувајќи ги и додатоците со стабилизација како Movi Pro. Камерата C200 може да се користи на различни начини; таа може да се приспособи на секое опкружување“.

Сакајќи да ги прикаже музичарите и историските детали на местото каде што ќе се снима настанот, Patel имаше задача да го осветли просторот за да камерата C200 монтирана на ротирачки механизам за стабилизирање може да се движи низ целиот простор без да има држачи или кабли во кадарот. „Ова беше прилично уникатно снимање“, почнува тој. „Ова беше едно од нашите најдолги снимања затоа што сакавме да го покриеме секој агол“. За тоа беше потребно внимателно позиционирање на музичарите и прецизни ознаки за камерата, иако количината на светлина беше ограничена од потребата да нема опрема во просторот што се снима.

Имајќи го тоа на ум, Patel побара балон за осветлување исполнет со хелиум за снимање над главата, а инаку користеше само еден Skypanel. „Го користевме само тој балон за осветлување со хелиум и еден Skypanel за да го снимиме тапанарот и си игравме со ролетните за да добиеме задоволителен резултат”. Тој користеше и магла за да постигне атмосфера што ќе им биде позната на љубителите на „Mahogany Sessions“ и максимално го искористи матното стакло од прозорците во просторијата. Ова дополнително ја контролираше светлината од надворешниот свет каде контрастот помеѓу ентериерите и екстериерите на дневна светлина е уште потешко да се контролира.

Patel има само пофални зборови за начинот на кој C200 доловува сцена со толку голем контраст. „Јас бев навистина изненаден од сликата, не очекував таков квалитет од камерата… има толку многу информации, фотографската ширина е извонредна“. Тој продолжува, „изгледа многу понапредна од другите камери, многу помека. Со други камери мора да снимате со пониска резолуција, [но] добивате многу понеутрална слика“. Patel избра да снима во форматот Cinema RAW Light на C200 што заштедува простор, ѝ овозможува на камерата да снима висококвалитетни видеозаписи и ја избегнува потребата од големи надворешни видеокамери. Иако снимање во форматот Pro Res е можно со видеокамера од трета страна и е добра опција, Patel „сакаше да види што може камерата да направи со новиот внатрешен RAW формат”.

Продуцентот Greaves ја поздравува флексибилноста на C200. „Од продуцентска точка на гледање, главната карактеристика се нејзините разновидни опции. Камерата е економична и работеше со нашата постојна опрема за обработка по снимањето без никаков проблем. Таа ни овозможува да го зголемиме квалитетот на сликата, можеме веднаш да снимаме во 4K RAW и сè е сместено во еден уред. За нас е совршена надградба на камерата C300, извонреден напредок од постојните модели од Canon. Според моето мислење, добро е што ја издадоа оваа камера.”

За да се вратите на прегледот на EOS C200 кликнете тука