Одликувајќи се со неверојатно мали работни трошоци и практични функции, печатачит MegaTank од Canon се совршени за користење во домот, канцеларијата и за потребите на студентите. Тие користат вградени резервоари за мастило што се дополнуваат со шишиња со мастило за огромен обем на печатење наместо стандардни картриџи. Еден комплет шишиња со мастило овозможува печатење на илјадници страници, што значи дека со нив ќе печатите со месеци, а може и со години. Тоа придонесува и за помалку пластичен отпад, бидејќи нема да има потреба од често нарачување на резервни мастила.

Достапни се повеќе модели на печатачи MegaTank за да можете да изберете соодветен модел според вашите потреби и вашиот буџет. Кога станува збор за домашна употреба, без оглед дали сте студент, сопственик на мала компанија или родител кој се справува со потребите за домашни задачи, моделите од серијата PIXMA G нудат висока ефикасност, а ако брзината на печатење ви е приоритет, тогаш најбрзите модели PIXMA G3460 и PIXMA G2460 од палетата MegaTank ќе ви заштедат многу време. PIXMA G3460 има вграден Wi-Fi, исто како и PIXMA G3420 со поддршка за Cloud, за да ви овозможат да печатите од паметни уреди кога сте во движење.

Моделите PIXMA G2420, PIXMA G2460, PIXMA G3420, PIXMA G3460 и MAXIFY GX6040 се повеќефункционални 3-во-1 печатачи што ќе ви овозможат да печатите, копирате и скенирате, а моделот MAXIFY GX7040 нуди и функции за факс. Но, ако сакате да ги искористите само придобивките за долготрајно намалување на трошоците што ги нудат печатачите MegaTank, тогаш основниот модел PIXMA G1420 и новиот модел MAXIFY GX5040 од Canon опремен со многу функции ќе ви обезбедат самостојно решение за печатење без функции за скенирање и копирање.

Независно дали барате повеќенаменски печатач што е едноставен за користење за вашето семејство, сигурен уред со кој ќе ги исполните роковите за факултетските задачи или решение за печатење во голем обем со мали трошоци за вашата компанија, ние ќе ви дадеме шест причини зошто треба да набавите печатач MegaTank.

Основните модели на печатачи MegaTank (PIXMA G3460, G2460, G3420, G2420 и G1420) можат да отпечатат најмногу 7.600^1,2 страници со едно шише со црно мастило во економичен режим или најмногу 7.700¹ страници со комплет шишиња. Овие печатачи MegaTank нудат и капацитет за снабдување со хартија од задната страна од 100 листови за да трошите повеќе време за работа и помалку време за дополнување на залихите на печатачот.

Наменети за домашни канцеларии, печатачите PIXMA G5040, G6040 и G7040 од Canon ви овозможуваат да отпечатите најмногу 8.300³ страници во економичен режим со црното мастило, а нудат и автоматско двострано печатење и голем капацитет за снабдување со хартија од предната и задната страна од вкупно 350 листови обична хартија за навистина продуктивните опкружувања. G7040 има и механизам за автоматско снабдување со документи за 35 листови и функции за самостоен факс.

Палетата на печатачи MegaTank MAXIFY GX од Canon е совршена за динамички канцелариски опкружувања со повеќе корисници. Тука спаѓаат моделите MAXIFY GX6040 и MAXIFY GX7040 кои овозможуваат печатење на црно-бели документи и документи во боја со деловен квалитет и просечна заштеда од 85% на вкупните трошоци за користење во споредба со 10-те најдобри ласерски и инк-џет печатачи⁴.

Наменети за оние кои сакаат да ја зголемат продуктивноста и да ги намалат трошоците уште повеќе, GM2040 и GM4040 се 3-во-1 црно-бели печатачи со резервоари за мастило што можат да отпечатат 18.000 страници со три шишиња со црно мастило⁵.

Значителното намалување на трошоците и зголемувањето на продуктивноста што ги нудат печатачите MegaTank од Canon не предизвикуваат намалување на квалитетот на печатење. Кога станува збор за печатење документи, повеќето печатачи PIXMA MegaTank создаваат богати бои со мастилата базирани на боја, а наменското црно мастило со пигмент овозможува печатење документи со извонредна острина. Дури и ситниот текст и белите знаци наспроти заднини во боја ќе имаат висок степен на острина. Од друга страна, пак, MAXIFY GX6040 и MAXIFY GX7040 користат мастила со пигмент за сите три бои, вклучувајќи ја и црната, за да отпечатат долготрајни и висококвалитетни деловни документи што ќе бидат отпорни на вода, триење и маркери.

Моделите PIXMA G540 и PIXMA G640 се опремени со шест мастила базирани на боја со кои печатат неверојатни фотографии во боја. Тие нудат оптимален квалитет со поголем опсег на тонови и проширена палета на бои.

Дополнувањето на резервоарите со мастило на печатачите MegaTank е едноставен процес што сите можат да го направат во домот или во канцеларијата. Вградените резервоари со мастило се јасно видливи од предната страна на печатачот, за да можете лесно да ги следите нивоата на мастилата. Кога ќе треба да дополните мастило, подигнете ги капачињата во различна боја што се отвораат лесно и вметнете ги врвовите на шишињата со мастило за да го вбризгате мастилото во резервоарите.

Дизајнот за лесно стискање на шишињата со мастило од Canon придонесува за чист и брз процес на дополнување. Исто така, влезните отвори на резервоарите со мастило на печатачите MegaTank имаат уникатна форма. Влезните отвори соодветствуваат на млазниците во вид на клуч кај новодизајнираните шишиња со мастила, со што се елиминира ризикот од случајно вбризгување на погрешно мастило во погрешен резервоар. Специјално дизајнираните шишиња, исто така, автоматски престануваат да се празнат штом ги наполните резервоарите.

PIXMA G3460 и PIXMA G2460 од Canon нудат брзина на печатење од 10,8⁶ слики/мин. (ipm) за црно-бели документи и 6,0⁶ слики/мин. за материјали во боја. Тие се одличен избор за исполнување кратки рокови. За уште поитни задачи ви го препорачуваме моделот 4-во-1 PIXMA G7040 што нуди брзина до 13⁶ слики/мин. за печатење со црно мастило и брзина до 6,8⁶ слики/мин. за печатење во боја, а опремен е и со механизам за автоматско снабдување со документи за 35 листови што ќе им ја олесни работата на корисниците кои треба да копираат и скенираат документи со повеќе страници.

Моделите MAXIFY GX6040 и MAXIFY GX7040 нудат максимални брзини на печатење до 24⁶ слики/мин. за црно-бело печатење и 15,5⁶ слики/мин. за печатење во боја, а второспоменатиот модел нуди и функции за истовремено двострано скенирање и сеопфатни опции за факс, со цел да овозможи брзо и лесно скенирање, фотокопирање и праќање двострани документи по факс. Ако ви требаат само функции за печатење, тогаш моделот MAXIFY GX5040 што заштедува простор ќе ви понуди иста брзина и ист квалитет како и другите два модели GX, но без вградениот скенер или механизмот за автоматско снабдување со документи.

За секојдневно печатење ви ги препорачуваме моделите PIXMA G3420, PIXMA G2420 и PIXMA G1420 што нудат брзини до 9,1⁶ слики/мин. за печатење со црно мастило и брзини до 5⁶ слики/мин. за печатење во боја и овозможуваат брза обработка на документи.

Сите печатачи MegaTank се дизајнирани за апсолутно минимално време на неактивност. Се испорачуваат со картриџ за одржување што лесно се заменува и ја намалува потребата за праќање на вашиот печатач на сервис. Употребата на картриџот за одржување може да ја следите преку драјверот на печатачот што е инсталиран во вашиот компјутер или лаптоп или преку апликацијата Canon PRINT (PIXMA G3420 и PIXMA G3460) или екранот на печатачот (сите модели освен PIXMA G1420). Печатачот ќе ве извести ако настане проблем при одржувањето, што значи дека сите грешки можат лесно да се отстранат.

Canon PIXMA G3420 и PIXMA G3460, како и многу други модели од палетата MegaTank, имаат вграден Wi-Fi. Со допирање едно копче можете лесно да се поврзете и да започнете да печатите од компјутер или мобилен уред. PIXMA G5040, G6040, G7040, GM4040 и GM2040, како и MAXIFY GX6040, GX7040 и GX5040, имаат приклучок за етернет наменет за мрежни опкружувања во кои е потребна брза, стабилна и сигурна врска.

Ако работите на терен и треба да споделите некои документи со колегите во канцеларијата или, пак, ако ви треба отпечатена копија од материјалите за учење за онлајн курс, тогаш може да пристапите до MegaTank-печатач со Wi-Fi преку интернет користејќи компјутер или паметен уред и да печатите директно од популарните услуги основани врз Cloud како што се Google Drive, Google Classroom, Dropbox, Evernote и многу други.

Контролата врз сите ваши потреби за печатење и одржување преку вашиот паметен телефон не може да биде полесна благодарение на апликацијата Canon PRINT, а достапни се и други апликации од Canon што нудат многубројни начини за да бидете креативни во домот. Апликацијата Easy-PhotoPrint Editor ви овозможува да ги претворите вашите омилени фотографии во стилски отпечатени материјали и уникатни подароци, користејќи шаблони за календари, картички, постери и многу повеќе.

Не сакате да преземете апликации? Со исклучок на моделите GM2040 и GM4040, печатачите MegaTank се компатибилни со Apple AirPrint и Mopria за Android, па корисниците поврзани на истата мрежа на која е поврзан нивниот печатач ќе можат лесно да се поврзат и да печатат преку нивните паметни уреди и нивните вградени протоколи за печатење.

Печатачите MegaTank можат континуирано да печатат висококвалитетни документи и прекрасни фотографии без рабови⁷ со големина до A4, но имаат и многу поразновидна намена. Палетата поддржува огромен избор на големини и видови на медиуми, што е идеално за деловна администрација и многу повеќе, како создавање визит картички со мат хартија и двострана мат хартија. Моделите PIXMA G3460, G2460, G3420, G2420, G1420, G540 и G640, како и моделите MAXIFY GX6040, GX7040 и GX5040, можат да печатат и промотивни ленти од обична хартија со должина до 1,2 метри. Кога станува збор за печатење во домот, печатачите MegaTank можат да ја направат домашната задача интересна и да ви понудат семејна забава со часови.

Повеќето печатачи⁸ Canon MegaTank имаат дволиниски LCD-екран што прикажува повеќе детали за поставките на печатачот. Не само што екранот овозможува полесно следење на статусот на печатачот, поставките за безжично поврзување и прилагодување на опциите за печатење директно на печатачот, туку може да ги проверувате и сите потреби за одржување, како што е чистењето на главата за печатење. Исто така, екранот овозможува едноставно отстранување на грешките преку прикажување јасни инструкции или кодови што се објаснети во прирачникот за корисници заради полесно решавање на проблемите. Исто така, моделите MAXIFY GX6040 и MAXIFY GX7040 имаат поголеми екрани на допир за попрактично користење и управување.

Печатачите MegaTank имаат функција за автоматско исклучување заради заштеда на енергија кога не се користат и функција за автоматско вклучување што ќе ви овозможи да почнете да печатите без потреба да го притиснувате копчето за вклучување. Сето ова ја зголемува нивната практичност, особено ако треба да печатите документи далечински преку модел со Wi-Fi и поддршка за Cloud.


Напишано од Marcus Hawkins и Matthew Richards